ရပ်/ကျေး
အုပ်ချုပ်ရေးမှူး ရွှေးချယ်ရေး ကို ဥပဒေနှင့်အညီ မလုပ်သည့် ရွှေတောင်
မြို့နယ်အုပ်ချုပ်ရေးမှူး ဟာ သမ္မတကြီးရဲ့ သန့်ရှင်းတဲ့အစိုးရ၊ ကောင်းမွန်တဲ့
အုပ်ချုပ်ရေးကို အကောင်အထည် ဖော်နေတာ ဘဲလား
ဒီမိုကရေစီ ပြုပြင်ပြောင်း လဲရေးတွင် ကျေးရွာ အုပ်ချုပ်ရေးမှူး များအား ပြည်သူ့ဆန္ဒဖြင့် ရွေးချယ်ပြီး ဥပဒေနှင့်အညီ ရွေးချယ်ပွဲများ ပြုလုပ်မည်ဆို သောကြောင့် ပြည်သူများဝမ်း သာရပါတယ်။ သို့ပါသော်လည်း ပဲခူးတိုင်းဒေသကြီး၊ ရွှေတောင်မြို့နယ်၊ သုံးဆင့်ကျေး ရွာအုပ်စု အုပ်ချုပ်ရေးမှူး ရွှေးချယ်ပွဲအား လွန်ခဲ့သော (၂၄-၁၂-၂၀၁၃)ရက်နေ့တွင် ကျင်းပပြုလုပ်ခဲ့ရာ ပြိုင်ဘက်(၂)ဦးမှာ မဲတူညီနေပါတယ်။ ဒါကြောင့်ရွေးချယ်ပွဲသို့ တက်ရောက် နိုင်ခြင်းမရှိသော (၁၀)အိမ်စု ကိုယ်စားလှယ်များကို ခေါ်ယူမဲပေးခိုင်းပြီး ရွေးချယ်ခဲ့ပါတယ်။ သို့ရာတွင် ရွေးချယ်ခံ ရသူသည် ဒေသတွင်တဆက်တစ်စပ်တည်း နေထိုမှုမရှိဘဲ ပြည်ပသို့ သွားရောက် အလုပ်လုပ်ကိုင် သူဖြစ်သော ကြောင့် ဥပဒေနှင့်မညီကြောင်း ကြီးကြပ်သူများနှင့် မြို့နယ်အုပ်ချုပ်ရေးမှူးတို့ မှဆုံးဖြတ်ခဲ့ပါတယ်။ ကြီးကြပ်သူ(၂)ဦးသည် ၄င်းတို့၏ တူတော်စပ်သူ ကျေးရွာအုပ်ချုပ်ရေးမှူး တွင် ပါဝင်လုပ်ကိုင်ခွင့်မရတော့သဖြင့် မိမိဆန္ဒသဘောအလျှောက် နှုတ်ထွက်သွားပါသည်။ ထို့နောက်တွင် ရပ်/ကျေး NLDပါတီဝင်များမှ ကြီးကြပ်သူ (၅)ဦးလုံးအား ထုတ်ပယ်ပေးရေး တောင်းဆိုခဲ့၍ မြို့နယ်အုပ်ချုပ် ရေးမှူးမှ (၅)ဦးစာလုံး ပြန်လည်ရွေးချယ်ရန် ညွှန်ကြား ခဲ့ပါသည်။
ထိုသို့ဆောင်ရွက်ခြင်းသည် နည်းဥပဒေအခန်း(၂) အပိုဒ် ၇၊ ၈၊ ၉၊အတိုင်း ထပ်မံပြုလုပ်ရမည်ဟု ညွှန်ကြား ဆောင်ရွက်လျှက် ရှိသဖြင့် ကြီးကြပ်သူ ဦးမောင်တိုးနှင့် ဦးအောင်ကြည်တို့မှ ဥပဒေနှင့်မညီကြောင်း တင်ပြ ခဲ့သော်လည်း ဆောင်ရွက်ခြင်းမရှိသည့်အတွက် ကျေးရွာတွင်း အုပ်စုဖွဲ့မှု မကြေနပ်မှုများဖြစ်ပေါ်ခြင်း၊ မီးရှို့ပစ်မယ်၊ ဒီကြီးကြပ်ရေး အဖွဲ့နှုတ်ထွက် မပေးလျှင် ဒို့အကြောင်းသိရမယ်ဟု၍ ခြိမ်းခြောက်စာများ ကပ်ခြင်းများပြုလုပ် ဆောင်ရွက်လျှက် ရှိနေသည်ကို သိရှိသော်လည် ထိန်းသိမ်းလုပ်ကို ဆောင်ရွက်ခြင်း မရှိဖြစ်နေပါတယ်။ ထို့ကြောင့် တိုင်းဒေသကြီး လွှတ်တော်ကိုယ်စားလှယ်မှ နည်းဥပဒေအခန်း(၂) ကြီးကြပ်ရေးအဖွဲ့ ဖွဲ့စည်းခြင်းနှင့် လုပ်ငန်းတာဝန်များ အပိုဒ် (၁၀)အရ ဆယ်အိမ်စု ကိုယ်စားလှယ်များအားလုံးက လျှို့ဝှက်မဲပေး၍ သက်ဆိုင်ရာရပ်ကွက် (သို့မဟုတ်) ကျေးရွာအုပ်စု အုပ်ချုပ်ရေးမှူး ရွှေးချယ်ရာတွင် ဆန္ဒမဲအရေ အတွက်တူညီနေလျှင် ဖြစ်စေ အငြင်းပွားမှုပေါ်ပေါက်ခဲ့လျှင်ဖြစ်စေ၊ ကြီးကြပ်ရေးအဖွဲ့သည် ရရှိသော အဖွဲ့သည် ရရှိသောဆန္ဒမဲရွေးချယ်ခြင်းကို နည်းဥပဒေ (၈)နှင့် (၉)တို့ပါအတိုင်း ထပ်မံ ပြုလုပ်ရမည့်ဟု အတိအလင်းဖော်ပြ ထားသည့်နှင့် အညီ ဆောင်ရွက်သင့်ကြောင်း မြို့နယ် အုပ်ချုပ်ရေးမှူးသို့ အကြံပြုဆွေးနွေးခဲ့ ကြောင်းသိရှိရပါတယ်။
ထိုသို့ညှိနှိုင်း ဆောင်ရွက်မှုအား အကြောင်းတစ်စုံ တစ်ရာပြန်ကြား ခြင်းမရှိသည့် အပြင် ထပ်မံ၍ ဥပဒေနှင့် လွဲမှားစွာ ဆောင်ရွက်နေသည့် အပြင် ရမ်းကားခြင်း၊ ခြိမ်းခြောက်ခြင်း များအား အရေးယူ ဆောင်ရွက် မှုမရှိသည့်အတွက် မြို့နယ်အုပ်ချုပ်ရေး မှူးမှ အားပေးကဲ့သို့ဖြစ်နေပါတယ်။
အလားတူပါဘဲ ရွှေတောင်မြို့နယ် မကျီးပေါက်ကုန်း ကျေးရွာအုပ်စု တွင်လည်း ကြီးကြပ်သူ(၅)ဦးမှ ဥပဒေနှင့်အညီ ဆယ်အိမ်စု ကိုယ်စားလှယ်များ ရွှေးချယ်ခြင်းမရှိဘဲ ကြီးကြပ်ရေးအဖွဲ့ဝင် ဦးဌေးမြင့် သည် ၄င်းတို့နှင့်နီးစပ်သူကို အုပ်ချုပ်ရေးမှူး ဖြစ်ရေးအတွက် ဆယ်အိမ်စု ကိုယ်စားလှယ်များ အား ကိုယ်တိုင်လိုက် လံစည်းရုံး၍ ပြည်သူသိရှိမှု နည်းပါး ပြီး အချိန်တိုအတွင်း ရွေးချယ်ခဲ့သည့် ရွှေးချယ်ခံရသူမှာ ကိုယ်ကျင့်တရားနှင့် ပတ်သတ်ပြီး နာမည်ပျက်ရှိသူ ဖြစ်သောကြောင့် ပြန်လည်ရွေးချယ်ပေးရန် ပြည်သူများမှတင်ပြသော်လည်း အရေးယူ ဆောင်ရွက်ခြင်းမရှိဘဲ နေသည့်အတွက် ပြည်သူများ အခက်တွေ့ပြီး မကျေမနပ်ဖြစ်နေ ကြပါသည်။
၎င်းကိစ္စအား တိုင်းဒေသကြီးလွှတ်တော်ကိုယ်စားလှယ်မှတဆင့် ပွင့်လင်းမြင်သာမှုရှိရှိ အဖြစ်မှန်ဟုတ်မဟုတ် ပြန်လည်စီစစ်ကူညီပေးရန်တင်ပြ ဆောင်ရွက်သော်လည်း မြို့နယ်အုပ်ချုပ်ရေးမှူးမှ အရေးယူဆောင်ရွက်ခြင်းမရှိ ကြောင်းသာသိရှိရပါသဖြင့် ဦးသိန်းစိန်ရဲ့ ကောင်းမွန်သော အုပ်ချုပ်ရေးသန့်ရှင်းသောအစိုရကို မြို့နယ်အုပ်ချုပ်ရေးမှူးက ပြည်သူ့မျက်နှာမထောက်ထားဘဲအကောင်အထည်ဖော်နေတာလားလို့ အထက်ဌာန ၀န်ကြီးများကို ပြောကြားပေးပါဦးခင်ဗျား
No comments:
Post a Comment