နှစ်ကျပ်ခွဲ ကျေးရွာ မီးလင်းရေး ဖြစ်ရပ်မှန်

ခေါင်းစဉ် မဲမဲ ကြီး တွေ ဖတ်ခဲ့ရတယ်။ နေနိုင်အောင်တော့ နေပါတယ်။ နောက်ဆုံး မနေနိုင်တော့လဲ တကယ် ထပြောမိ ပါတယ်ဗျာ။
((( နှစ်ကျပ်ခွဲကျေးရွာ မီးလင်းရန် ကူညီသည့် ဆရာတော် နှင့် ရွာသားများ ကို ဖမ်းဆီး ))) အဲ့ဒီဖြစ်စဉ်ကို အရိုးသားဆုံး သုံးသပ်ကြည့်ကြမယ်လေ။

ထီးတော်ရှင် စေတီ 

ထီးတော်ရှင် စေတီ

နှစ်ကျပ်ခွဲရွာမှာ ထီးတော်လှုပ်(သို့)ထီးတော်ရှင် စေတီ လို့အမည်ရတဲ့ ထင်ရှားနဲ့ စေတီ တစ်ဆူ ရှိပါတယ်။ နယ်တဝိုက်မှာတော့ ထင်ရှားကျော်ကြားမှု အပြည့်ရှိခဲ့ပါတယ်။ ထီးတော်ရှင် စေတီ လျှပ်စစ်မီး ပူဇော်ရေး အတွက် လှူဒါန်းသူ အချို့နဲ့ ဒကာ/ဒကာမ များ စုပေါင်းပြီး ထရန်စမော်မာ တစ်လုံး စုပေါင်း ဆောင်ရွက်ခဲ့ ကြတယ်။ အဲ့ဒီမှာ ပြဿနာက စဖြစ်တော့တာပဲ ဂေါပကအဖွဲ့က ဘုန်းဘုန်း ဦးကောသလ္လကို စေတီပိုင် အလှူငွေ အလွဲသုံးစား လုပ်တယ်လို့ သံသယရှိပြီး ရဲတိုင်မယ်/ တရားရုံး တိုင်မယ် ဖြစ်ကြရော ဒါနဲ့ ရွာနဲ့ ဘုန်းကြီး နည်းနည်း ကွဲလွဲ ကုန်ကျတယ်။ ဂေါပက ဦးမြသန်းက တရားရုံးမှာ ဦးကောသလ္လကို တရားစွဲတယ်။ ဖြစ်ပွားရခြင်း အကြောင်းရင်းက တော့ ဒါပါပဲလို့ ကျွန်တော် ထင်ပါ တယ်။ နောက်ပိုင်း ဖြစ်စဉ်တွေကတော့ လတ်တလော အကြောင်းရင်းတွေပါ။ ဘယ်လိုပဲ ပြောပြာ ထရန်စဖော်မာလေး တစ်လုံးနဲ့ ထီးတော်ရှင် စေတီကို မီး ပူဇော်နိုင်တာကို အတော်လေး သာဓုခေါ်ရမှာပါပဲ။

ထရန်စဖော်မာ
နှစ်ကျပ်ခွဲ ကျေးရွာမှာ အိမ်ထောင်စု (၈၀၀)လောက် ရှိတယ်လေ။ ဘုန်းဘုန်း ဦးကောသလ္လ ရဲ့ လျှပ်စစ်မီး ရရှိရေး ဆောင်ရွက်မှုကို ကြည့်ကြ ရအောင်ဗျာ။ ကျောင်းအနီး တဝိုက်က ၀ထ္တုငွေ ကပ်နိုင်တဲ့ ဒကာ/ဒကာမ (၁၄၅)ဦးကို လျှပ်စစ်မီး အသုံးပြုခွင့် ရအောင် လုပ်ပေးခဲ့ပါတယ်။ ဒါ့အပြင် ကျန် (၁၇)ဦး လျှပ်စစ်မီး မရရှိသေးဘူး ဆိုပြီး တိုင်စာ ပေးပို့တိုင်တန်း ပါလေရော ဒါနဲ့ တိုင်ရင် ကြောက်ရတဲ့ လျှပ်စစ် ၀န်ကြီးဌာန အနေနဲ့လည်း ၂၀၁၁ ဇွန် လပိုင်း လောက်မှာ သုံးစွဲခွင့် ရရှိရေး စီစဉ် နေရတော့ တာပါပဲ။

 ထရန်စဖော်မာ

 အဲ့ဒီ သတင်းဟာ နှူးကလီးယား ဗုံးပေါက်သလို တမဟုတ်ချင်း ပေါက်ကွဲ ထွက်သွား ပါတယ်။ ဘာကြောင့်လဲ ဆိုတော့ ရွာအိမ်ထောင်စုက (၈၀၀) လောက်လေ။ လူဦးရေနဲ့ မတွက်ကြည့် ပါနဲ့တော့ နှစ်ကျပ်ခွဲက ရွာကြီးပေါ့။ လက်ရှိလျှပ်စစ်မီး ရနေနိုင်တာ (၂၀၀)တောင် မပြည့်သေးဘူး။ ဒါနဲ့ လျှပ်စစ် မရရှိသေးတဲ့ (၅၅၀) ကျော်က လွတ်တော် ကိုယ်စားလှယ် ဦးဝင်းမြင့် ခေါင်းဆောင်မှုနဲ့ မီးလင်းရေး ကော်မတီ ဆိုပြီး ဖွဲ့ရော အဲ့လိုဖွဲ့တဲ့ အခါမှာ ဦးဝင်းမြင့်ရဲ့ ပေါက်ရောက်အောင် တင်ပြ နိုင်မှုကြောင့် မီး မရရှိသေးသူများ အတွက် ထရန် စဖော်မာ (၁)လုံး ထပ်မံ သုံးစွဲခွင့် ရရှိသွားပါတယ်။

ပါတီနိုင်ငံရေး မှိုင်းတိုက်
 ဒါကို ဦးကောသလ္လက လုံးဝ မကျေနပ်ဘူး မဆိုင်တာတွေနဲ့ တိုက်ခိုက် ပုတ်ခတ်တယ်။ ပါတီ နိုင်ငံရေးမှိုင်း တိုက်အောင် လုပ်တယ်။ ဘယ်လိုလဲ ဆိုတော့ ရှင်းရှင်းလေးပါ (ဦးဝင်းမြင့်=ပြည်ခိုင်ဖြိုး) ပေါ့။ ရွာတစ်ရွာ ဆိုတာ ဘုန်းကြီး ပြောသမျှ အမှန်ယူ ရတယ်။ ဘုန်းတော်ကြီးက ရတနာ သုံးပါးထဲမှာ ပါတယ်လေ။ အကြွင်းမဲ့ ယုံကြည် ကြတာပေါ့။ ကျွန်တော့် ယူဆချက် ကတော့ ဘယ်ပါတီဖြစ်ဖြစ်၊ ဘယ်ပုဂ္ဂိုလ် ဖြစ်ဖြစ် မိမိဒေသ ကောင်းကျိုး ဆောင်ရွက် ပေးရင် လက်ခံ ယုံကြည်မှာပါပဲ။ ပြည်ခိုင်ဖြိုး မို့လို့ NLD မို့လို့ မခွဲခြားဘူး။ ပြည်ခိုင်ဖြိုး အတွက် မဲဆွယ်ပေးနေတာ မဟုတ်ပါဘူး။ အမုန်းဆိုတဲ့ နေကာ မျက်မှန်ကို ချွတ်ကြည့်ရင် ပကတိ အတိုင်း မြင်နိုင်ပါတယ်။

ပြဿနာက အဲ့ဒီမှာ စဖြစ်တော့တာပဲ -
မြို့နယ် လျှပ်စစ်မှူး ဦးမြင့်သူနိုင် နဲ့ အဖွဲ့က ထရန်စဖော်မာ တစ်လုံး ထပ်မံ တပ်ဆင်ဖို့ ရွာကို ရောက်လာ ပါတယ်။ အဲ့ဒီ အခြေအနေမှာ ထီးတော်ရှင် ဘုရားက ထရန်စဖော်မာကို လွတ်ထားတဲ့ ကြိုးတွေကို ခွဲပြီး သွယ်ဖို့ ဓါတ်တိုင်တွေ စိုက်တော့ ဘုန်းဘုန်ုး ဦးကောဿလ္လက ကန့်ကွက်တယ်တဲ့။ ဦးကောသလ္လက သူ့ဒကာ (၁၇)ဦးကိုတော့ မလုပ်ပေး သေးဘူး ဆိုပြီး တိုင်ပြန်တယ်။ မီးလင်းရေး ကော်မတီ ကလည်း မီးမရလို့ ထပ်တိုင်ပြန်ရော ဇာတ်ရှိန် မြင့်လာ ပါပြီ။ ပဋိပက္ခ ဖြစ်လာ နိုင်တယ်ဆိုတာ ကြိုတင် မှန်းဆလို့ ရနိုင်တဲ့ အခြေအနေမို့ အမှတ် (၂)စွမ်းအား ၀န်ကြီးဌာနက ဦးဆောင် ညွှန်ကြားရေးမှူး(စီမံ) ခေါင်းဆောင်နဲ့ အဖွဲ့က ဇူလိုင် လဦးပိုင်း လောက်မှာ တိုင်စာများကို စစ်ဆေး ပေးဖို့ ကျောက်ပန်းတောင်း မြို့နယ်ကို ရောက်လာ ပါလေရော။ ဒီလိုနဲ့ ဘုန်းဘုန်း ဦးကောသလ္လကို လျှပ်စစ်ရုံးကို ကြွရောက်ဖို့ ပင့်ခဲ့ပေမယ့် လုံးဝ လာရောက်ခြင်း မရှိဘူးလို့ သိရ ပါတယ်။

ဒီလိုနဲ့ ၂၀၁၃ မှာ တိုင်း လျှပ်စစ်ဝန်ကြီး ဒေါက်တာ မြင့်ကြူ ဦးဆောင်တဲ့ ဌာနဆိုင်ရာ လူကြီးများ အဖွဲ့ဟာ လျှပ်စစ်မီး မရသေးသူများ လျှပ်စစ် မီးသွယ်တန်းပေးဖို့ လုပ်တော့ ဦးကောသလ္လက ကန့်ကွက်တယ်။ ထိုနေ့ နေ့လည် လောက်မှာပဲ မြို့နယ် လျှပ်စစ်မှူး ဦးမြင့်သူနိုင်က လျှပ်စစ်မီးကြိုး သွယ်တန်းဖို့ လုပ်ဆောင်တဲ့ အခါမှာ ဦးကောသလ္လ နဲ့ ရွာသူ/ ရွာသား (၁၀)ဦး လောက်က နှောင့်ယှက် ကြတယ် တားမြစ်ကြပါတယ်။ ဒါနဲ့ ဦးကောသလ္လ အပါအ၀င် (၁၀)ဦးကျော်ကို နှစ်ကျပ်ခွဲ အလက မှာ နှောင့်ယှက် ဟန့်တားမှုမျိုး မလုပ်ရန်နဲ့ ထပ်မံ လုပ်ဆောင်ပါက ဥပဒေအရ အရေးယူ ဆောင်ရွက်မည် ဖြစ်ကြောင်း ခရိုင် အုပ်ချုပ်ရေးမှူး၊ ခရိုင်ရဲမှူးတို့ ပါတဲ့ အဖွဲ့က ရှင်းလင်းခဲ့ ပါတယ်။ သို့သော် နှောင့်ယှက်မှုများ ကတော့ ဆက်လက် လုပ်ဆောင်ခဲ့ပါတယ်။  ဒီလိုနဲ့ မြင်းခြံခရိုင်လျှပ်စစ်မှူး ဦးကျော်မြင့်က ရဲကို တိုင်ပါလေရော။ တာဝန်ဝတ္တရား နှောင့်ယှက်မှုနဲ့ ဦးကောသလ္လ နဲ့ ရွာသား (၁၀)ဦးကို အမှုဖွင့်တယ်။ တာဝန် ဆောင်ရွက်နေစဉ် နှောင့်ယှက်သော ဖြစ်ရပ်အား ရိုက်ထားသည့် ဗွီဒီယို မှတ်တမ်း၊ ဓါတ်ပုံ မှတ်တမ်းတွေနဲ့ တရားစွဲတယ်။

 ရဲ နှင့် ဘုန်းတော်ကြီး
ဒီလိုနဲ့ တရားခံစာရင်းထဲ ပါနေတဲ့ သူတွေကို ဦးကောသလ္လက ကျောင်းဝင်းထဲ ခေါ်ထား တော့တယ်။ ရဲဝင်ဖမ်းမှာ စိုးတာက တစ်ပိုင်း EPC ကလျှပ်စစ် လာသွယ်ရင် အမြန်ဆုံး တားဆီးလို့ ရအောင်လို့ပေါ့။ နောက်ထပ်လည်း လျှပ်စစ်မီးသွယ်ဖို့ ကြိုးစားရာမှာ နှောင့်ယှက်မှုတွေ လုပ်ခဲ့ပါသေးတယ်။ ဒါအပြင် ထီးတော်ရှင် ထရန်စဖော်မာကနေ မီးယူနေတဲ့ အိမ်ထောင်စု (၁၄၀)ကျော် လောက်ကို ခေါ်ပြီး ဆန့်ကျင်ရေး စည်းရုံးခဲ့ပါ သေးတယ်။

တိုင်းလျှပ်စစ် အင်ဂျင်နီယာမှူးနဲ့အဖွဲ့က မီးမရရှိသေး သူများ တိုင်ကြားချက်အရ မီးမရသူများနှင့် တွေ့ဆုံ ဆွေးနွေးပြီး မီးရရှိရေး သွယ်တန်းပေးမယ်လို့ အာမခံလိုက် ရတယ်။ ၂၄-၂-၂၀၁၃ မှာ တော့ အကြီးအကျယ် ပြဿနာ တက်လေရော။ အဲ့ဒီနေ့မှာ မြို့နယ်လျှပ်စစ်မှူး ဦးမြင့်သူနိုင်က လုံခြုံရေး ရဲတွေနဲ့ အတူ လျှပ်စစ်မီးကြိုးထပ် တပ်တယ်။ ဒါနဲ့ ဦးကောသလ္လ ကလည်း ဦးမြင့်သူနိုင်ကို လက်သီးနဲ့ထိုး တယ်တဲ့။ နောက်လျှပ်စစ်က ကားကို သော့ဖြုတ်ယူပြီး မထွက်သွားရင် မီးရှို့မယ်လို့ ငြိမ်းခြောက်သတဲ့။ ဒါနဲ့ ခရိုင်အုပ်ချုပ်ရေးမှူး ၊ ခရိုင်ရဲမှူးတို့က ဦးကောသလ္လကို အကြမ်းမဖက်ဖို့ သွားလျှောက်ပြန်ရော လက်မခံပါဘူး။ ဒါနဲ့ မြိုနယ် သံဃာ့နာယက အတွင်းရေးမှူး ဆရာတော်ကြီး ကို သွားလျှောက်ထားတော့ ဆရာတော်ကြီးက ဦးကောသလ္လကို ဖျောင်းဖျပြောဆိုသော်လည်း မရသဖြင့် ဥပဒေ နှင့်အညီ အရေးယူဖို့ မိန့်လျှောက်ပါလေရော။

ဒီလိုနဲ့ ဦးမြင့်သူနိုင် အမှုဖွင့် တိုင်ကြားမှုအရ၊ လက်သီးဖြင့် ထိုးမှု၊ ဝေါ်ကီတော်ကီ နဲ့ ကားလုယက်မှု၊ ဝေါ်ကီတော်ကီ ဖြင့် ပေါက်ခွဲမှု တို့ဖြင့် အမှုဖွင့်သဖြင့် ရဲအဖွဲ့က ကားပြန်သိမ်းရေး၊ တရားခံများ အပ်ပေးဖို့ ဦးကောသလ္လနဲ့ ညှိနှိုင်းရန် အင်အားနဲ့ ၀င်လာ ပါတယ်။  အဲ့ဒီမှာ  ရဲတွေကို လေးဂွနဲ့ဆော်၊ ခဲလုံးနဲ့ တွယ်၊ ငရုတ်သီးမှုန့် အရည်တောင် ပါသေး ဝိုင်းထုကြပါတယ်။ ဦးကောသလ္လ အပါအ၀င် တရားခံတွေကို ဖမ်းဆီးနိုင်ခဲ့သော်လည်း ရဲသား ၇ ဦး ဒဏ်ရာ ပြင်းထန်ရရှိခဲ့ ပါတယ်။

NLD ရုံးကိစ္စ
နောက်တစ်ခုက NLD ရုံးကိစ္စပေါ့ ဦးစိုးညွှန့် ဆိုတဲ့လူ ရဲတွေနဲ့ ဦးကောသလ္လ ပြဿနာဖြစ်တော့ ၀င် ဖြန်ဖြေခဲ့ပါတယ်။ အဲ့ဒီနောက် သိပ်မကြာပါဘူး ရဲတွေကို NLD ရုံးထဲကနေ ခဲ/လေးခွ/ပုလင်းတွေနဲ့ ပစ်ပါလေရော။ ဒါလည်း ရဲတွေ NLD ရုံးဖျက်တယ်လို့ ပြောလို့ရတဲ့ အကြောင်းရင်းတစ်ခုပေါ့။ ဒါပေမယ့် ဆန်းတာ တစ်ခုက ရဲတွေ ပြန်မထွက်သွားမချင်း NLD ရုံး ဘာမှမဖြစ်သေးဘူး ရဲတွေလည်း ပြန်ရော ရွာထဲက ရွာသား (၁၀)ဦးလောက်က NLD ရုံးခြံစည်းရိုးများ၊ ဆိုင်းပုတ်များ၊ ဓါတ်ပုံများကို ဖျက်ဆီးခဲ့ပါတယ်။ အဲ့ဒါကိုလည်း ဦးစိုးညွှန့်က ဖျက်ဆီးခဲ့သည်မှာ ရဲမဟုတ်ကြောင်းနဲ့ ဖျက်ဆီးသွားသော ရွာသားများကို အမှုဖွင့် တိုင်တန်းခဲ့ပါသေးတယ်။ ဒီလိုနဲ့ စည်းလုံးညီညွှတ်မှု ပြိုကွဲလာရင် တစ်ရွာလုံး အချုပ်ထဲရောက်ကုန်မှာကို တွေးမြင်မိတယ်။

နှစ်ကျပ်ခွဲ NLD ရုံး

 
ဆရာတော် ဦးကောသလ္လ ဟာ
(၁) မီးရရှိရေး ဆောင်ရွက်ပေးတယ်လဲ ပြောတယ် တစ်ရွာလုံး မီးရဖို့ကြတော့ ကန့်ကွက်နေတယ်။
(၂) ထီးတော်ရှင်စေတီ အလှူငွေ ဘဏ်စာအုပ်အား အလွဲသုံးစား ပြုတယ်လို့ တရားစွဲခံထား ရတယ်။  ဘယ်ရွာသူ/ ရွာသားမှ ကိုယ့်ဆရာတော်ကို မဟုတ်ဘဲနဲ့ တရားမစွဲရဲပါဘူး။
(၃) တရားတော် အလေးမမူဘဲ ၀ိနည်းတော် နှင့် မလျော်ညီသော မအပ်စပ်သော အားထုတ်မှုများ ပြုခဲ့တယ်။
(၄) လျှပ်စစ် ၀န်ထမ်းတွေကို အေးအေးချမ်းချမ်း မဆွေးနွေးပဲ လက်သီးနဲ့ထိုးတယ်။
(၅) ဒကာ/ ဒကာမတွေကိုလည်း အုပ်စုဖွဲ့ပြီး တိုက်ခိုက်ဖို့ တိုက်တွန်းတယ်။
ဒီအချက်တွေကိုကြည့်ရင် ဦးကောသလ္လဆိုတာ သာသနာတော် နဲ့ သံဃာထုကို အစွန်းအထင်း ဖြစ်စေမယ့် ငါးခုံးမ တစ်ကောင် သာဖြစ်နိုင်ကြောင်း အများ ဆင်ခြင်သုံးသပ် နိုင်ရန် ဖော်အပ်ပါသည်။

NLD ပါတီ လွှတ်တော် ကိုယ်စားလှယ် ဒေါက်တာ ဇော်မြင့်မောင်
လတ်တလော ကြားရတဲ့သတင်းအရ ပြစ်မှုကျူးလွန်ပြီး နောက် ဆေးရုံမှာတက်ပြီး ပြန်ဆင်းလာတဲ့ တရားခံ (၃)ဦးကို ရဲက ဥပဒေနဲ့အညီ တရားစွဲတင်နိုင်ဖို့ ဖမ်းဆီးရန် ဆောင်ရွက်နေတုန်း NLD ပါတီက လွှတ်တော် ကိုယ်စားလှယ် ဒေါက်တာ ဇော်မြင့်မောင် ၏ ညွှန်ကြားချက်အရ NLD ပါတီဝင်များ ပါတီဝတ်စုံဖြင့် NLD အလံ ထောင်ထားတဲ့ ကားပေါ်ကို တရားခံ တွေ ခေါ်ဆောင် သွားကြောင်း ထပ်ကြားရပြန်ပါတယ်။
 တရားဝင်ပါတီ တစ်ခု အနေနှင့် တည်ဆဲ ဥပဒေကို လိုက်နာရမယ့် အစား ပြစ်မှု ကျူးလွန်သူ တွေကို လိုက်ပြီး အကာအကွယ် ပေးနေတဲ့ (တနည်းအားဖြင့် တရားဝင် ပါတီဆိုတာကို ခုတုံးလုပ်ပြီး ကိုယ်ထင်ရာ ကိုယ်လုပ်နေတဲ့) အနေအထားတွေ ဖြစ်နေတယ်။ 

ဥပဒေ အထက်မှာ ဘယ်သူမှ မရှိဘူး ဆိုတာ မေ့နေပါသလား ?
ဥပဒေ အထက် မှာများ မိမိရောက်နေတယ်လို့ ခံစားမိနေပါသလား? ကိုယ့်ကိုယ်ကို ပြန်စဉ်စားသင့် ပါတယ်။
မှန်တယ်/ မမှန်ဘူး တရားရုံးက စိစစ် ဆုံးဖြတ်ရမယ့် ကိစ္စကို လွှတ်တော် ကိုယ်စားလှယ်ကြီး ဒေါက်တာ ဇော်မြင့်မောင် က တရားသူကြီးထက် ပိုပြီး အာဏာရ သွားတာလား၊ ဒါဟာ ပါတီ တစ်ခုအနေနဲ့ မလုပ်သင့်တဲ့အလုပ်ပါ။

myan pyi thar FB မှ