ဒီမိုကရေစီသည် သွင်းကုန် မဟုတ်

Sunday, October 21, 2012

ပြည်ခိုင်ဖြိုး ပါတီ၏ အထက်နှင့် အောက်တွင် ဖြစ်ပွားနေသော ရောဂါဆန်းများ



ဒုတိယဥက္ကဋ္ဌ သူရ ဦးအေးမြင့်မှ ပြောသော အောက်လူများရှိ ထူးဆန်းသော ရောဂါ

ကြံ့ခိုင်ရေးပါတီ အဖွဲ့အစည်းဟာ အမိန့်ပေးမှ လုပ်တတ် ကိုင်တတ်တယ် .. အထက်က ညွှန်ကြားမှုကို စောင့်ဆိုင်း နာခံနေတာရယ်.. ပြည်သူအခြေအနေ နဲ့ ယှဉ်ပြီး အံဝင်ခွင်ကျ သွက်သွက် လက်လက် လုပ်ကိုင် တတ်တဲ့ အကျင့်အားနည်းနေတယ်...။ ပါတီအနေနဲ့ လူထုအတွင်း စိမ့်ဝင်ရာမှာ ကယ်တင်ရှင် ပုံစံ..  ဆရာကြီးပုံစံ.. ပြုလုပ်နေတာရယ်.. အပြန်အလှန် တာဝန်ခံခြင်း မရှိတာရယ် ... စတာတွေကို ပြုပြင်ဖို့လိုတယ် ... လို့ သူရဦးအေးမြင့် က ပါတီညီလာခံ ဒုတိယနေ့မှာပြော ပါတယ်..။ နောက်ပြီး ဖြစ်လေ့ဖြစ်ထ ရှိတဲ့ နိုင်ငံရေးသူငယ်နာရောဂါ (၅)မျိုးကိုလည်း ပြောခဲ့ပါတယ်..။

ပထမရောဂါ ကတော့ အထက်က အောက်ကို အမိန့်ပေး အမိန့်နာခံ စီးဆင်းစေပြီး အမိန့်မရရင် ဘာမှကြံစည် တွေးတော နိုင်စွမ်းမရှိတဲ့ “စစ်အလေ့အထရောဂါ”..။

ဒုတိယကတော့ နေရာတကာ အမိန့်ပဲ ပေးတတ်ပြီး ကိုယ်တိုင်ပါဝင်ဆောင်ရွက်နိုင်စွမ်းမရှိတဲ့ “အာဏာရှင်ရောဂါ”...။

တတိယ တစ်မျိုးကတော့ သက်သာသလို နေပြီး သာတဲ့ ဘက်လိုက်တဲ့  “ အချောင်သမားရောဂါ”..။

စတုတ္ထတစ်မျိုး ကတော့ မိမိတာဝန် ကျေပွန်အောင်မလုပ်ပဲ.. အချင်းချင်း စောင့်ကြည့်တိုက်တွန်းတဲ့ “သူလျှိူ ဒလန် သဏ္ဍာန် ရောဂါ”..။

ပဉ္စမက ကိုယ့်ကျင့်သိက္ခာ ထိန်းသိမ်းနိုင်စွမ်းမရှိတဲ့ “အကျင့်ပျက်ရောဂါ”..တို့ဖြစ်တယ်။


ပြည်ခိုင်ဖြိုးပါတီဝင်များက ပြောသော အထက်ရောဂါများ (လူကြီးရောဂါ)

(က) ထိုင်ခုံ တည်မြဲရေး ရောဂါ၊ (တနည်း) လူကြီး ရောဂါ ဖြစ်ပါသည်။
(ခ ) တပည့် မွေးရောဂါ၊(တနည်း) မိမိအကျိုးစီးပွား၊ မိမိပိုင်ဆိုင်မှု ကို သိရှိနေသော တပည့် များကို အသံမထွက်စေရန် အနားခေါ်ထားခြင်း၊ နေရာပေးထားခြင်။
(ဂ ) တိုင်းနှင့်ပြည်နယ် များတွင် စွာတာတာများ၊ အနားပြာများကို နေရာ ပေး ၀ိုင်းရံစေခြင်းဖြင့် ပြည်သူ့ ဘ၀ ခံစား နေရသော အမှန်တရားများကို ဖုံးကွယ် ထားခြင်းရောဂါ။
(ဃ) တိုင်းနှင့် ပြည်နယ်များတွင် မိမိတို့လူကြီးများသာ စကားပေါက်ရမည်၊ တစ်သွေ မတိမ်း နားထောင် ရမည်၊ အဆိုပါလူများကို နေရာပေးထားပြီး ၄င်းတို့မှ ပါတီ ဘဏ္ဍာငွေ များကို
စိတ်ကြိုက် မဟုတ်မမှန် လုပ်ခြင်းများကို မသိကျိုးကျွံပြုထားခြင်း ရောဂါ။
(င) ၂၀၁၅ နောက်ပိုင်း ဘာဖြစ်ဖြစ် ယခုကာလတော့ အိနြေ္ဒရှိရှိနေထိုင်နိုင်ရေးနှင့် ၂၀၁၅ နောက်ပိုင်းတွင် တို့က အသက်ကြီးပါပြီးကွာ ၊ ကျန်လူငယ်တွေ နေရာပေးမယ် ဆိုတဲ့ရောဂါ။

အခြားအခြားသော နိုင်ငံရေး ကင်ဆာရောဂါ များစွာ ဖြစ်ပွားလျှက်ရှိနေသေးပါကြောင်း

ရည်ညွှန်း - http://khitthit.blogspot.com

No comments: