NLD ပါတီ၏ အမှားတော်ပုံများ(၁၂)

ရွေးကောက်ပွဲတွင် မဲဆန္ဒနယ် ၄၈၅ ရှိသည့် အနက် NLD က မဲဆန္ဒနယ် ၃၉၂ နယ်၌ အနိုင်ရရှိခဲ့သည်။ တိုင်းရင်းသား စည်းလုံးညီညွတ်ရေး ပါတီ (တစည) က မဲဆန္ဒနယ် ၁၀ နယ်တွင် အနိုင်ရရှိသည်။ ကျန်အနိုင် ရရှိသည့် ပါတီများမှာ လူမျိုးများအလိုက် မိမိတို့ ဒေသများတွင် အနိုင်ရရှိခြင်း ကြခြင်းဖြစ်သည်။

ရွေးကောက်ပွဲတွင် တပ်မတော်ကသာ တိတိကျကျ ကြားနေပြီး ဘက်မလိုက် ခဲ့သော်လည်း နိုင်ငံရေး အင်အားစု အချို့သည် မိမိတို့ အနိုင်ရရှိရေး အတွက် မတရားသော နည်းလမ်းများ သုံးစွဲခဲ့ကြသည်ဟု ဆိုသည်။ လူအုပ်စုဖြင့် မဲထည့် ခိုင်းမှုမျိုး ရှိခဲ့သည်။ မိမိတို့ ပါတီကို မဲမထည့်လျှင် ရပ်ကွက်အလိုက် မီးလောင်တိုက် သွင်းပစ်မည်ဟု ခြိမ်းခြောက် ခဲ့မှုမျိုးလည်း ရှိသည်။ ကျေးရွာအဆင့်၊ ရပ်ကွက်အဆင့် ရွေးကောက်ပွဲ ကော်မရှင်တွင် တာဝန်ကျ သူများအား အနိုင်ကျင့်မှု များလည်း ရှိကြောင်း မှတ်တမ်းများတွင် တွေ့ရသည်။

ရွေးကောက်ပွဲတွင် အနိုင်ရရ်ှခဲ့သော နိုင်ငံရေးပါတီ အချို့၏ လုပ်ရပ်ကို ပြန်ကြည့်လျှင် အောက်ပါအတိုင်း တွေ့ရှိရမည် ဖြစ်သည်။

(၁) ငွေကြေးအင်အားဖြင့် အမတ်နေရာ ၀ယ်ယူထားနိုင်သည့် ဘာသာရေးအစွန်း ရောက်များက ဘာသာရေး နယ်မြေခွဲထွက်ရေး ပြင်ဆင် လာကြသည်။ မအောင်မြင်ပါက လက်နက်ကိုင် တိုက်ခိုက်မည်ဟု ကြံရွယ်သည်။

(၂) လူမျိုးရေး အမြင် ကျဉ်းမြောင်းသည့် ပါတီများကလည်း နယ်မြေ ခွဲထွက်ရန် ပြင်ဆင်လာ ကြသည်။ ခွင့်မပြုလျှင် လက်နက်ကိုင် တိုက်မည်။ သောင်းကျန်း သူများနှင့် ပေါင်းမည်ဟု ရည်ရွယ်သည်။

(၃) အာဏာရလာမည်ဟု မျှော်လင့်နေသော နိုင်ငံရေးပါတီ အချို့ကလည်း အနောက် အုပ်စုသံရုံးများ၊ ပြည်ပမှ အနောက်အုပ်စု ကိုယ်စားလှယ်များနှင့် ဖက်လဲ တကင်း ဆက်ဆံလာ ကြသည်။ အနောက်အုပ်စုကို အလွန်အကျွံ မှီခို အားကိုးရန် ပြင်ဆင်လာ ကြသည်။

(၄) ယင်းသို့ အနောက်အုပ်စု အကြိုက် ပါးလူးပါးလဲ လုပ်ပြနေသော်လည်း လက်ဝဲ၀ါဒီ များ လွှမ်းမိုးနေသော ပါတီအချို့က အာဏာရှင်စနစ် ထူထောင်ရန် ကြိုးစား လာကြသည်။

ယင်းလုပ်ရပ်များသည် ဒီမိုကရေစီ အလွဲသုံးစားလုပ်မှုများ ဖြစ်သည်။ နိုင်ငံနှင့် ပြည်သူ လူထု၏ အစစ်အမှန် လိုလား တောင့်တချက်ကို မတွေးဘဲ အနာနှင့်ဆေး တည့်အောင် မပေးသလိုဖြစ်ခဲ့သည်။ ထိုနိုင်ငံရေး ပါတီများသည် ၄င်းတို့အာဏာ ရရှိလာပါက ဘာဆက်လုပ်မည်ကိုပင် ပြင်ဆင်လာကြသည်။ ကျိတ်ပုန်းခုတ် လာကြသည့် NLD ဆိုလျှင် မည်သူက ၀န်ကြီးချုပ် ၊ မည်သူတွေက ၀န်ကြီးလုပ်မည် ဆိုသည်အထိ အာဏာခွဲတန်း ချခဲ့ကြသည်ဟု ၄င်းတို့ အတွင်းလူများကပင် ဖွင့်ဟ ပြောကြားခဲ့ကြသည်။

ယင်း အခြေအနေတွင် ချက်ချင်း အာဏာလွှဲ မပေးသဖြင့် NLD က မှတ်တမ်းလွှာ အမှတ် ( ၁၃၂၉၀ )ဖြင့် တပ်မတော်သည် အာဏာလွှဲ မပေးချင်သဖြင့် သဘောထား ပြောင်းသွားပြီ ဖြစ်ကြောင်း ပုတ်ခတ် စွပ်စွဲတော့သည်။ ။

တပ်မတော်သည် ရွေးကောက်ပွဲ မကျင်းပမီ တစ်နှစ်ခန့် အလိုမှစ၍ ရွေးကောက်ပွဲ ကျင်းပပြီးလျှင် ဖွဲ့စည်းပုံ အခြေခံဥပဒေနှင့် အညီ တက်လာသည့် အစိုးရကို အာဏာ လွှဲပြောင်းပေးမည်ဟု အကြိမ်ကြိမ် ရှင်းလင်း ပြောကြားခဲ့သည်။

တပ်မတော်သည် မည်သည့် နိုင်ငံရေးပါတီကိုမျှ ဘက်လိုက်ခြင်း မရှိခဲ့ပေ။ မည်သည့် ပါတီက မျှလည်း တပ်မတော်ကို ကျောထောက် နောက်ခံပြုထားခြင်း မရှိပေ။ တပ်မတော်က မည်သည့် နိုင်ငံရေး မူဝါဒကိုမျှ ကျင့်သုံးမှု မပြုခဲ့ပေ။ လူတန်းစားရေးနှင့် ကျဉ်းမြောင်းသော လူမျိုးရေးတို့ကိုလည်း ရှေ့တန်းတင်ခြင်း မရှိဘဲ အမျိုးသား နိုင်ငံရေးကိုသာ အလေးထား ဖော်ဆောင်နေခြင်းဖြစ်သည်။

တပ်မတော် ခေါင်းဆောင်များက နိုင်ငံတော်နှင့် ပြည်သူလူထု၏ ရေရှည် အကျိုးစီးပွားသည်သာ အဓိကဟုဆိုသည်။ NLD က အာဏာ လွှဲပြောင်းပေး ရေးသည် အဓိကဟု ပြောသည်။ နိုင်ငံ၏ ငြိမ်ဝပ်ပိပြားမှု တည်ဆောက်ရေးအဖွဲ့က ၂၇.၇.၁၉၉၀ ရက်နေ့တွင် ကြေညာချက်အမှတ် (၁၂၉၀ ) ကို ထုတ်ပြန် ကြေညာသည်။ NLD က ထိုဇူလိုင်လ ၂၈ ရက် နှင့် ၂၉ ရက်နေ့ တို့တွင် ရန်ကုန်မြို့ ဗိုလ်အောင်ကျော်လမ်းရှိ ဂန္ဓီခန်းမ၌ ညီလာခံ ပုံစံဖြင့် အစည်းအဝေး ကျင်းပခဲ့သည်။

ကြေညာချက် (၁၂၉၀)တွင် ဖော်ပြထားသော အဓိကအချက်မှာ နောင်တစ်ချိန်တွင် ပီပြင်သည့် ဒီမိုကရေစီ နိုင်ငံဖြစ်လာရေး အတွက် ဖွဲ့စည်းပုံ အခြေခံဥပဒေ စနစ်ရေး ဆွဲရမည်။ အားလုံး လက်ခံပြီး ခိုင်မာသည့် ဖွဲ့စည်းပုံ အခြေခံဥပဒေ ဖြစ်ပေါ်လာပါက အရပ်သား အစိုးရအား အာဏာ လွှဲပြောင်းပေးမည်။ အခြေခံဥပဒေ မရှိဘဲ မည်သည့် အရပ်သားအစိုးရ၊ မည်သည့် ကြားဖြတ် အစိုးရကိုမှ အာဏာလွှဲမပေးဟု ဆိုထားခြင်း ဖြစ်သည်။

ဂန္ဓီခန်းမ အစည်းအဝေး ဆိုသည်မှာ ရွေးကောက်ပွဲ နိုင်သည့် ရလဒ်ကို အခြေခံပြီး NLD ဗဟို ဦးစီးအဖွဲ့နှင့် NLD လွှတ်တော်ကိုယ်စားလှယ်များစုဝေးကာ ထိပ်တိုက် ရင်ဆိုင်မှု ထပ်မံပြု လုပ်လိုက်ခြင်းပင် ဖြစ်သည်။ ထိုအစည်းအဝေး သဘောတူညီချက် ဟု ထုတ်ပြန်ပြီး အခြေခံ ဥပဒေသစ်ကို လွှတ်တော်က ရေးဆွဲရန်၊ ၁၉၉၀ ပြည့်နှစ် စက်တင်ဘာလအတွင်း လွှတ်တော် ခေါ်ယူဖွဲ့စည်းပေးရန် တောင်းဆိုခဲ့သည်။ ဆက်လက်၍ သတင်းစာ ရှင်းလင်းပွဲလုပ်ပြီး န၀တ၏ ကြေညာချက် (၁၂၉၀) ကို လက်မခံနိုင်ကြောင်း ပြောင်ပြောင် တင်းတင်း ပင် ပြောခဲ့သည်။

၂၉.၈.၁၉၉၀ ရက်နေ့တွင် NLD နှင့် ပြည်ထောင်စု တိုင်းရင်းသား လူမျိုးများ ဒီမိုကရေစီ အဖွဲ့ချုပ် (နောက်ပိုင်းဖျက်သိမ်း) တို့ တွေ့ဆုံ ဆွေးနွေးပြီး ပူးတွဲ ကြေညာချက် တစောင် ထပ်ထုတ်ခဲ့ ပြန်သည်။ ယင်းကြေညာချက်တွင် NLD အား အာဏာအမြန်အပ်ရေး၊ စက်တင်ဘာလအတွင်း လွှတ်တော် ခေါ်ယူပေးရေးတို့ကို အဓိက တောင်းဆိုထားသည်။

ထို ကြေညာချက်၌ NLD မှ ပါဝင် လက်မှတ် ရေးထိုးခဲ့သူများမှာ (၁) ဦးအောင်ရွေ၊ (၂) ဦးကြည်မောင် ၊(၃) ဦးချစ်ခိုင် ၊ (၄) ဦးလွင် ၊(၅) ဒေါ်မြင့်မြင့်ခင် ၊(၆) ဦးရွှေ၊ (၇) ဦးခင်မောင်ဆွေ ၊(၈) ဦးစိုးသိမ်း(မောင်ဝံသ)၊ (၉) ဦးကျော်မင်း၊ (၁၀) ဦးချမ်းအေး (မောင်စူးစမ်း) တို့ဖြစ် ကြသည်။ NLD နှင့် ပူးတွဲ ကြေညာချက် ထုတ်သော ပြည်ထောင်စု တိုင်းရင်းသား လူမျိုးများ ဒီမိုကရေစီ အဖွဲ့ချုပ်သည် ရှမ်းပြည်နယ် ဘက်မှ ဖက်ဒရယ်မူကို တောင်းဆို လာသော အဖွဲ့ဖြစ်သည်။ ရှမ်းပြည်နယ် ဖက်ဒရယ်မူကြောင့် ပြည်ထောင်စု ပြိုကွဲမည့် အန္တရာယ်ကြုံခဲ့ရသဖြင့် ၁၉၆၂ ခုနှစ်တွင် တော်လှန်ရေး ကောင်စီ တက်လာခဲ့ရ ခြင်း ဖြစ်သည်ကို NLD က သတိပြု ဆင်ခြင်မှု မလုပ်ခဲ့ပေ။ ယင်းသည် ၄င်းတို့ အာဏာရရှိရေး အတွက် NLD က ဖက်ဒရယ်သမားများနှင့် အပေးအယူ လုပ်လိုက်ခြင်းပင် ဖြစ်သည်။

ဒေါ်လာသူတောင်းစားများ၏ ဒီမိုနိုင်ငံရေး (၂)

(၁၂)

(၁၃)

(၁၄)

(၁၅)

(၁၆)

ဒေါ်လာသူတောင်းစားများ၏ ဒီမို နိုင်ငံရေး (၁)

(၁)

(၂)

(၃)

(၄)

(၅)

(၆)

(၇)

(၈)

(၉)

(၁၀)

(၁၁)

NLD ပါတီ၏ အမှားတော်ပုံများ(၁၁)

အမျိုးသား ဒီမိုကရေစီအဖွဲ့ချုပ် (NLD)၏ ဖွဲ့စည်းမှု အပိုင်း ဖြစ်ပေါ် တိုးတက်မှု အပိုင်းများကို ဓမ္မဓိဋ္ဌာန် ကျကျ လေ့လာဆန်းစစ်ပါက ၄င်းအရင် လွန်ခဲ့သည့် နှစ်ပေါင်း (၆၀) ကျော် ကာလတစ်လျှောက် ပေါ်ပေါက်ခဲ့သည့် ဂျီစီဘီအေ၊ ဒို့ဗမာအစည်းအရုံး၊ ဆိုရှယ်လစ် ပါတီ၊ ကွန်မြူနစ်ပါတီ၊ ဖဆပလ အဖွဲ့ချုပ်၊ ပထစပါတီ တို့ကဲ့သို့ပင် ဖြစ်ခဲ့ကြောင်း တွေ့ရှိ ရသည်။ ကျစ်လျစ် သိပ်သည်းစည်းလုံး ညီညွတ်သည့် ပါတီအဖွဲ့အစည်း အဖြစ် ရေရှည် ရပ်တည် နိုင်အောင် ပြုပြင် ဖာထေးမှု မရှိခဲ့ပေ။ အကွဲအအက်၊ အခွဲအထွက် ဖြစ်စဉ်မှာသာ နစ်မွန်း နေပေသည်။

ထိုသို့ နစ်မွန်း နေနေသည်ပင် ပင်လယ်ပြင်၌ သဘောင်္မှောက်သည့်နှယ် ပြောနေ ပြန်၏။ အမှန်စင်စစ် ရေအိုင်ငယ်ထဲမှ ဖားသူငယ် သဖွယ် ကိုယ်ဘာသာ ကိုယ် ကြီးကျယ် နေခြင်းသာ ဖြစ်သည်။ NLD သည် ရွေးကောက်ပွဲ အပြီးတွင် ဤနည်းအတိုင်း ရေတိမ် နစ်မည့်ကိန်းကို မှားယွင်းစွာ ဆက်လက် ရွေးချယ်ခဲ့ ပြန်သည်။

၁၉၉၀ ပြည့်နှစ် မေလ ၂၇ ရက်နေ့ ရွေးကောက်ပွဲသို့ NLD အပါအ၀င် နိုင်ငံရေး ပါတီ ၉၃ ခုမှ ကိုယ်စားလှယ် ၂၂၀၉ ဦး နှင့် တစ်သီး ပုဂ္ဂလ ၈၇ ဦး ပါဝင် ယှဉ်ပြိုင် ခဲ့ကြသည်။ မဲဆန္ဒနယ် ၄၉၂ ခု သတ်မှတ် ခဲ့သော်လည်း ထိုစဉ်က အခြေအနေ အရ ၄၅၈ နယ်၌သာ ရွေးကောက်ပွဲ ကျင်းပ နိုင်ခဲ့သည်။ ရာခိုင်နှုန်း အားဖြင့် ၉၈ ဒဿမ ၅၈ ဖြစ်သည်။ တစ်နိုင်ငံ လူဦးရေ ၄၂ သန်းကျော် ရှိခဲ့ရာ အသက် (၁၈) နှစ် ပြည့်ပြီးသော မဲပေးခွင့်ရှိ ၁၄ ဦးရေ သန်း ၂၀ ကျော် (၂၀၈၁၈၃၁၃ ) ဖြစ်သည်။ လက်တွေ့ လာရောက် မဲပေးသူမှာ ၁၅ သန်းကျော် (၁၅၁၁၂၅၂၄ ) ဖြစ်သည်။ လူဦးရေ အားလုံး၏ သုံးပုံတစ်ပုံနီး ပါးခန့်သာ မဲပေးခဲ့သည်ဟု ဆိုနိုင်သည်။ ၄င်းအနက် ခိုင်လုံသော ဆန္ဒမဲ မှာ ၁၃ သန်းကျော် ( ၁၃၂၅၆၀၆ ) သာ ဖြစ်၏ ။ပယ်မဲ ၊ ဖျောက်မဲ ၊ ထပ်မဲပေါင်း နှစ်သန်း နီးပါး (၁၈၅၈၉၁၈ ) ရှိခဲ့သည်။

ပါတီ ကိုယ်စားပြု အရွေးခံသူ ၂၂၀၉ ရှိရာ ၄၇၉ ဦး အရွေးခံ ရသည်။ တစ်သီး ပုဂ္ဂလ အရွေးခံ ၁၄၈၇ ဦးအနက် ခြောက်ဦး အရွေးခံရသည်။ အရွေးခံရသူ များတွင် တပ်မတော်မှ အငြိမ်းစား အပေးခံခဲ့ရသူ ၄၂ ဦး၊ ဆရာဝန် ၅၀ ၊ အရပ်သား ၁၉၄ ဦး ပါဝင်သည်။ ပါဝင် ယှဉ်ပြိုင်သော ပါတီများအနက် NLD က အများဆုံး အရွေးခံခဲ့ ရသည်။ ယင်းသို့ အရေအတွက် အများဆုံး အရွေးခံရ သည်ကို အပြတ်အသတ် အနိုင်ရသည်။ လူထုက တစ်ခဲနက် ထောက်ခံသည်ဟု လွဲမှားသော ကောက်ချက် ဆွဲခဲ့သည်။ တစ်လွဲ မာနဖြင့် အာဏာဆိပ် တက်ခဲ့သည်။ အမှန်တကယ် NLD ကိုယ်စားလှယ်များ ရရှိခဲ့သည် ထောက်ခံမဲမှာ ဆန္ဒမဲ ပေးပိုင်ခွင့်ရှိသူ အားလုံး၏ (၃၈ ဒဿမ ၁၁၃၆၆ ) ရာခိုင်နှုန်း သာဖြစ်သည်။ မဲပေးခွင့် ရှိသူ အားလုံး၏ ထက်ဝက်မျှပင် ရာခိုင်နှုန်း မရှိသော ထိုထောက်ခံမဲ ကလည်း ဖိုးသူတော် မျက်စေ့ လည်လေ ၊ ဆွမ်းဆန်ရလေ ဆိုသော မဲမျိုးသာ ဖြစ်ပေသည်။

ရွေးကောက်ပွဲ အပြီးတွင် သဘောထားများ ထုတ်ပြန်ခဲ့ရာ ကြရာ၌ ၀ါရင့် နိုင်ငံရေး ခေါင်းဆောင် ၀ိဓူရ သခင်ချစ်မောင်က “ ၁၉၉၀ ရွေးကောက်ပွဲလက္ခဏာ မဆောင်သော ပြည်သူလူထု၏ အထွေထွေ မကျေနပ်မှု ဆန္ဒပြပွဲသာ ဖြစ်သည် “ ဟုကောက်ချက်ချ ခဲ့သည်။ NLD နှင့် ပြိုင်ဘက် ဖြစ်သည့် ယခင်အစိုးရ တဖြစ်လဲ ပါတီကြီး အနိုင်မရလျှင် ပြီးရော သဘောဖြင့် ထည့်ခဲ့သော မဲများကို NLD က အချောင်ရခဲ့ခြင်း ဖြစ်သည်။ ယင်းကို မှန်ကုန်စွာ မသုံးသပ် နိုင်ခြင်းသည် NLD ၏ အမှားတော်ပုံတစ်ခု ဖြစ်နေ ပေသည်။

NLD ပါတီ၏ အမှားတော်ပုံများ(၁၀)

စင်စစ် ရွေးကောက်ပွဲ ဥပဒေသည် မြန်မာနိုင်ငံ လွတ်လပ်ရေးမရမီ ရေးဆွဲခဲ့သည့် ၁၉၄၇ ခုနှစ် ဖွဲ့စည်း အုပ်ချုပ်ပုံ အခြေခံဥပဒေပါ ပြဋ္ဌာန်းချက်များ အတိုင်း မှီငြမ်း ကိုးကား ထားခြင်း ဖြစ်သည်။ ထိုစဉ်က ဒေါ်စုကြည်၏ ဖခင် ဗိုလ်ချုပ်အောင်ဆန်း ကိုယ်တိုင် အနာဂတ် မြန်မာ့နိုင်ငံရေးတွင် ပြည်ပ ပယောဂများ တွင်းထိုး စွက်ဖက်မှု မခံရအောင် အခြေခံမူများ အဖြစ် လမ်းညွှန် ချမှတ်ပေးခဲ့ခြင်း ဖြစ်ကြောင်း အထောက်အထားများ ခိုင်လုံစွာရှိနေခဲ့ပါသည်။ ထိုစဉ်က ဒေါ်စုကြည်သည် လေးငါးနှစ် သမီးခန့်သာ ရှိပါလိမ့်မည်။

ရွေးကောက်ပွဲ ဥပဒေပါ ပြဋ္ဌာန်းချက်များကို လေ့လာလျှင် ဥပဒေပုဒ်မ ၁၀(င) ဟူ၍ တွေ့နိုင်ပါသည်။ ထိုဥပဒေပုဒ်မ ၁၀(င) သည် ၁၉၄၇ ဖွဲ့စည်းအုပ်ချုပ်ပုံ အခြေခံဥပဒေပုဒ်မ ၇၄ (၁) ၉(က)နှင့် အတူတူပင် ဖြစ်နေပါသည်။ ပုဒ်မ ၁၀ (င) တွင် နိုင်ငံခြား ကျေးဇူးသစ္စာကို ရိုသေ စောင့်ရှောက်သူ၊ နိုင်ငံခြား တိုင်းပြည်များမှ အခွင့်အရေးရသူ၊ နိုင်ငံခြားသား တစ်ယောက်ကဲ့သို့ အခွင့်အရေးကို ခံစား ပိုင်ခွင့်ရှိသူများ ရွေးကောက်ပွဲ ၀င်ခွင့်မရဟု ကန့်သတ်ထား ပါသည်။

ဒေါ်စုကြည်သည် ဗြိတိသျှ နိုင်ငံသားနှင့် လက်ထပ်ထားသည်။ ထိုဗြိတိသျှ နိုင်ငံသားနှင့် ပေါင်းဖက်ပြီး သားနှစ်ယောက် မွေးခဲ့သည်။ ၄င်းတို့မှာလည်း ဗြိတိသျှနိုင်ငံသား များပင် ဖြစ်သည်။ ၄င်းအနေဖြင့် အချိန်မရွေး ဗြိတိသျှနိုင်ငံသား ခံယူခွင့် ရှိထားသည်။ နေအိမ်တွင် တားမြစ် ခံထားခံရသည့် အချိန်၌ပင် ၄င်း၏ ခင်ပွန်းပေးပို့သည့် ပစ္စည်းများကို ၄င်းတို့သံရုံးမှ တစ်ဆင့် လက်ခံခဲ့သည်။ ဗြိတိသျှသံရုံးမှ အကူအညီများကို ရရှိခံစားနေ တုန်းပင်ဖြစ်သည်။ ဒေါ်စုကြည်အား တားဆီး လိုက်လျှင် လိုက်ခြင်းပင် ၄င်းတို့ဘက်မှ သူတို့နိုင်ငံသားအား မြန်မာအစိုးရက အရေးယူ ထားသည်ဆိုသော စကားအသုံးအနှုန်း များထွက်လာ သေးသည်။ နောက်ပိုင်းကျမှ သူတို့ နိုင်ငံသားဆိုသည့် အသုံးအနှုန်းကို မသိမသာ ချန်လှပ်ထားခဲ့ခြင်း ဖြစ်သည်။ ဒေါ်စုကြည်၏ ခင်ပွန်း မိုက်ကယ်အဲရစ် ကလည်း သူ၏မိန်းမကို စစ်အစိုးရက မတရားဖမ်းဆီးထားသည်။ ကယ်ပါ ယူပါ စသည်ဖြင့် နိုင်ငံတကာမှ အသံပေါင်းစုံထွက်လာအောင် ပြောဆိုခဲ့သည်။ ထိုအချက်များ ကြည့်ရုံဖြင့် ရွေးကောက်ပွဲ ဥပဒေပုဒ်မ ၁၀ (င) နှင့်လုံးဝ ငြိစွန်းနေကြောင်း အပေါ်ယံကြော မျှနှင့်ပင် သိရှိနိုင် ပါသည်။ အတွင်းကျကျ တိတိပပ ဖော်ထုတ် သိရှိကြလျှင် ဒေါ်စုကြည် ဘာလဲ၊ ဘယ်လဲဆိုသည်မှာ အလွန်ပင် သိသာ ထင်ရှားနေသော အကြောင်းအချက်များ ဖြစ်နေကြောင်း တွေ့ရှိကြရမည် ဖြစ်သည်။

ထို့အပြင် ရွေးကောက်ပွဲ ဥပဒေပုဒ်မ ၁၀(ဇ) တွင် သောင်းကျန်းသူများနှင့် ဆက်သွယ်မှု ပြုလုပ်သူများ ရွေးကောက်ပွဲ ၀င်ခွင့်မရှိဟု ကန့်သတ် တားမြစ် ထားသည်။ ဒေါ်စုကြည်၏ နေအိမ်ခြံဝင်းကို သက်ဆိုင်ရာက ၀င်ရောက် ရှာဖွေရာတွင် ABSDF သောင်းကျန်းသူ အဖွဲ့ဝင်တစ်ဦးကို စာရွက် စာတမ်းများ နှင့်အတူ သက်သေထင်ရှား ဖမ်းမိ ခဲ့သည်။

ဆိုရလျှင် တခြားပြဋ္ဌာန်းချက် များနှင့်လည်း ငြိစွန်းနေပေရာ ဒေါ်စုကြည် ရွေးကောက်ပွဲ ၀င်ခွင့် မရရှိခြင်းသည် ဘယ်သူမပြု မိမိမှုပင်ဖြစ်နေ ပါသည်။ ဘယ်သူမပြု မိမိမှုကိုသိလျက်နှင့် NLDက ဒေါ်စုကြည်အား ကိုယ်စားလှယ် အဖြစ် အမည်စာရင်း တင်သွင်းခြင်းသည် မျောက်ပြ ဆန်တောင်းခြင်း မှတစ်ပါး အခြားမရှိ။

NLD ပါတီ၏ အမှားတော်ပုံများ(၉)

NLD ပါတီ၏ အမှားတော်ပုံ သောင်းခြောက်ထောင်မက ရှိသည့်အနက် မဲဆန္ဒနယ်များကို ငွေကြေးဖြင့် ရောင်းစားခဲ့သည့် သာဓကများ ရှိခဲ့ပါသည်။ ရှေးဖြစ် နောက်ကြောင်း မသိသူများအနေဖြင့် ပိုမိုတိကျခိုင်လုံစွာ သိရှိနိုင်ရေးအတွက် အကိုးအကား များဖြင့် ဖော်ပြလိုက် ပါသည်။

၁၉၉၆ ခုနှစ်က သတင်းစာများတွင် ဖော်ပြခဲ့သည့် ဆောင်းပါးရှင်” ဗျတ္ထိ “ ၏ ”သာဓု၊ သာဓု၊ သာဓုပါခင်ဗျ ” ဆောင်းပါးတွင် ”ကျွန်တော်တို့ပါတီ NLD ထောင်စ ၁၉၉၈ ခုနှစ် အောက်တိုဘာလ အတွင်းက ဖြစ်သည်။ အမျိုးသားငြိမ်းချမ်းရေးနှင့် ဒီမိုကရေစီ ပါတီတွင် ဥက္ကဌလုပ်ခဲ့သော ဦးဒါဝတ်ဂျမား ဆိုသူသည် ကျွန်တော်တို့ ပါတီအတွင်းရေးမှူးမှ တစ်ဆင့် သိန်းချီသော ငွေများကို ပါတီသို့ လှူဒါန်းခဲ့ဖူးပေသည်။ အလှူငွေကို ညှိနှိုင်းချက်အရ ကျိုက်မရော၊ ကန့်ဘလူ၊ တန့်ယန်းနှင့် ပြင်ဦးလွင် မြို့နယ်များတွင် ကျွန်တော်တို့ ပါတီ လက်မှတ်ဖြင့် အမတ်လေးဦးမှာ ဦးဒါဝတ်ဂျမား တို့ဘက်က ၀င်ရောက်ယှဉ်ပြိုင် အရွေးခံ ခဲ့သည့် အနေအထားတော့ ရှိခဲ့ပေသည် ”ဟူ၍ အတိအကျ ရေးသားထား ပါသည်။

ထို့အတူ ကလောင်ရှင် ”အနော်ရထာ ” ရေးသားသည့် ”နိုင်ငံတော်ရှေ့ခရီး ” စာအုပ် စာမျက်နှာ (၈၈) တွင် အမတ်နေရာများ ၀ယ်ယူခြင်းနှင့်စပ်လျဉ်းပြီး ဤသို့ ဖော်ပြထား ပြန်ပါသည်။

”ဤနေရာတွင် ရွေးကောက်ပွဲတွင် အနိုင်ရရှိသော ကိုယ်စားလှယ်များ၏ အခြေအနေကို ပြန်ကြည့်ဖို့ လိုသည်။ ရန်ကုန်မြို့ ဆူးလေဘုရားလမ်း နေထိုင်သော သူဋ္ဌေးကြီး တစ်ဦးသည် ပါတီကြီး သုံးခုကို ရန်ပုံငွေ အများအပြား ထည့်ဝင်ကာ လွှတ်တော်ကိုယ်စားလှယ် နေရာများ ၀ယ်ယူခြင်း ရှိခဲ့သည်။ ထိုသူဋ္ဌေးကြီးသည် ဘာသာရေး အယူသည်းသူ ဖြစ်ပြီး ဘူးသီးတောင် မောင်းတော၊ ရသေ့တောင်ဒေသ တွေကို ဘာသာရေး နယ်မြေအဖြစ် ခွဲထွက်ရန် ရည်ရွယ်ချက် ရှိနေသည်။ သူထိုးထည့်လိုက်သော အမတ်ဟောင်း အချို့သည် ပါတီ မျက်နှာဖုံးစွပ်ကာ အနိုင်ရရှိခဲ့ကြရာ ဤနည်းအတိုင်း သွားပါက ရခိုင်ပြည်နယ် မြောက်ပိုင်းသည် ခွဲထွက်တော့မည့် အခြေအနေသို့ ဖြစ်လာသည်။ ဤကား ဖြစ်စဉ် တစ်ခုပင်ဖြစ်သည်။”

ယင်းသို့ ရွေးကောက်ပွဲတွင် မလိမ့်တပတ် ပြုလုပ်ခဲ့သော NLD သည် မျောက်ပြ ဆန်တောင်းမှုကိုလည်း ပြုလုပ်ခဲ့ကြသေးသည်။ ၁၉၉၀ ပြည့်နှစ်ရွေးကောက်ပွဲ ဥပဒေအရ ဒေါ်စုကြည်အနေဖြင့် ၀င်ရောက်အရွေးခံ ပိုင်ခွင့်မရှိပေ။ သို့ရာတွင် NLD က သွေးတိုးစမ်း လှုပ်ရှားမှုအဖြစ် ၂၂.၁၂.၁၉၈၉ ရက်နေ့တွင် ဒေါ်စုကြည် အမည် စာရင်းကို ဗဟန်း(၁) မဲဆန္ဒနယ်၌ တင်သွင်းခဲ့သည်။ NLD အတွင်း၌ ယင်းကိစ္စနှင့် ပတ်သက်ပြီး ဥပဒေ ပညာရှင်များက ရွေးကောက်ပွဲများက တစ်ဖက်၊ ဆိုရှယ်လစ်ဟောင်းကြီးများက တစ်ဖက် အငြင်းပွား ခဲ့ကြသည်။ ဥပဒေပညာရှင်များက ရွေးကောက်ပွဲ ဥပဒေအရ ရှင်းပြကြ သော်လည်း ဆိုရှယ်လစ်ဟောင်းကြီးများက တို့ကတော့ မျောက်ပြဆန်တောင်းမှာပဲ၊ ဖြစ်ချင်ရာဖြစ်၊ အနိုင်ရဖို့လုပ်ရမယ်” ဟူ၍ ပြောကြားခဲ့ကြောင်း သိရှိရသည်။

ကျန်သည့် ပါတီများက ဥပဒေ နှင့်အညီ ဖြစ်စေရေး အတွက် ၀ိုင်းပြီး ကန့်ကွက်ခဲ့ကြသည်။ ကော်မရှင်ကလည်း ဥပဒေ စည်းမျဉ်းစည်းကမ်းနှင့် အညီ စစ်ဆေးခဲ့သည်။ နောက်ဆုံးတွင် ဒေါ်စုကြည် ရွေးကောက်ပွဲဝင်ခွင့်မရ ဆိုသည့် အဖြေသာ ထွက်လာခဲ့သည်။ ထို့ကြောင့် ရွေးကောက်ပွဲ ဥပဒေ၏ ခိုင်မာမှန်ကန်မှုကို လည်း သိရှိထားရန် လိုအပ်လာသဖြင့် ဆက်လက်ဖော်ပြပါ ဦးမည်။

NLD ပါတီ၏အမှားတော်ပုံများ(၈)

NLD အားမျိုးချစ်ရဲဘော်ဟောင်း အဖွဲ့က ၀င်ရောက် အုပ်စီးပြီးနောက် ရွေးကောက်ပွဲ၌ မဲရရှိရေးကို ဦးတည် ဆောင်ရွက်ခဲ့သည်။ ဒေါ်စုကြည်နှင့် ဦးတင်ဦးပြန်လွတ်လာလျှင် NLD မှ ခွဲထွက်မည်ဆိုပြီး ပါတီ အတွင်း အာရုံသွင်းခဲ့သည်။ ထိုအချိန်၌ ပါတီအတွင်း အကွဲအပြဲများ ၊ ပြသနာများနှင့် လုံးချာလည် နေခဲ့သည်။

NLD အရေးပေါ် အစည်းအဝေး ခေါ်ယူခဲ့ရာ မကွေးတိုင်း၊ မန္တလေးတိုင်း၊ ဧရာဝတီတိုင်း၊ နှင့် ရန်ကုန်တိုင်း အတွင်းရှိ မြို့နယ်များမှ တက်ရောက်သူများက ဦးအောင်ရွှေ၊ ဦးချစ်ခိုင် နှင့် ဦးလွင်တို့အား ပါတီမှ နုတ်ထွက်ပေးရန်၊ မထွက်ပေးပါက မြို့နယ် အသီးသီးရှိ NLD ဆိုင်းဘုတ် များကို ဖြုတ်ချပြီး အခြားအမည်ဖြင့် ပါတီတစ်ခု ထပ်ထောင်မည်ဟု တောင်းဆိုခဲ့ကြသည်။ တက်သိ လက်ကျန်များ ကလည်း NLD လူငယ်များကို မြှောက်ပေးရာ ဦးအောင်ရွှေနှင့် ဦးချစ်ခိုင်တို့ကို ဆန့်ကျင် ဟောပြောမှု ၊ ဆန့်ကျင်စာထုတ်မှုများ လုပ်ခဲ့ကြသည်။

သို့ရာတွင် ၁၉၉၀ ပြည့်နှစ် ရွေးကောက်ပွဲအတွက် အမက်လောင်း ရွေးရာတွင် မျိုးချစ် ရဲဘော်ဟောင်းများက ပညာပြသည်။ မြို့နယ်များက အရေးအခင်းကာလ၌ တက်ကြွခဲ့သူများ၊ အရပ်သားများကို ရွေးပြီးတင်ပြခဲ့သည်။ ဗဟိုက ပယ်ချပြီး တည်မြဲ တိုက်ပြုတ် များနှင့် ဆိုရှယ်လစ် ပါတီဝင်ဟောင်းများ ကိုသာ ရွေးခဲ့သည်။ ထိုကိစ္စကို မကျေနပ်၍ NLD ဌာနချုပ်၌ ဗဟိုဦးစီး အဖွဲ့ဝင်များ အစည်းအဝေး လုပ်သည်။ မြို့နယ်များက အမတ်လောင်းရွေးချယ်မှုကို ဆန့်ကျင်စကား ပြောကြားသည်။ NLD အတွင်းမှူး ဦးချစ်ခိုင် (ယခင် တည်မြဲလူ) က နောက်မှ ရွေးသူတိုင်းကို လက်မခံနိုင် ၊ NLD အနိုင်ရမှာ သေချာ၍ အရည်အချင်းရှိသူကိုသာ ရွေးရမည်ဟု တင်းခံသဖြင့် နယ် ကိုယ်စားလှယ် တစ်ဦးက ဦးချစ်ခိုင်အား တံမျက်စည်းဖြင့် ရိုက်လိုက်သည်အထိ ရုပ်ပျက် ဆင်းပျက် ဖြစ်ခဲ့သည်။

မင်းဘူး နယ်ဘက်မှ ရှမ်းလေးလုံး သပိတ်ခေါင်းဆောင် လုပ်ခဲ့သူ သိန်းဌေးက ယခု NLD တွင် ဘောင်းဘီချွတ်တွေ ကြီးစိုးနေ၍ ၎င်းဘောင်းဘီချွတ်များ အာဏာရအောင် လုပ်မပေးနိုင်၊ ရွေးကောက်ပွဲတွင် ၀ိဓူရသခင်ချစ်မောင် ပါတီအနိုင်ရအောင် ကြိုးပမ်း ပေးမည်ဟု ပြောပြီး NLD မှ ထွက်ကာ ပါတီပြောင်း သွားခဲ့သည်။

ဒေါ်စုကြည်နှင့် ပူးတွဲပြီး ၁၅.၇.၁၉၈၈ ရက်နေ့၌ ပူးတွဲ ကြေငြာချက် ထုတ်ခဲ့သည် ဆိုသူ ပြည်ပြေးထွေးမြင့် ကလည်း NLD ၌ စစ်ဗိုလ်ဟောင်း အုပ်စု ကြီးစိုးနေသည်ကို မကျေနပ်ဟု ပြော ပြီး နှုတ်ထွက်ကာ ဦးသုဝေ၏ ဒီမိုကရေစီပါတီသို့ ကူးပြောင်းခဲ့သည်။ ဒေါ်စုကြည် လွတ်လာမှ ဘောင်းဘီချွတ် တွေနှင့် စာရင်းရှင်းမည်ဟုလည်း ၎င်း၏နှုတ်ထွက်စာ၌ ဖော်ပြခဲ့သည်။

၁၉၆၁ခုနှစ် ပါလီမန် ဒီမိုကရေစီခေတ်၌ တည်မြဲနှင့် သန့်ရှင်း ယှဉ်ပြိုင်သည့်ရွေးကောက်ပွဲတွင် ကာကွယ်ရေး ဦးစီးချုပ်၏ အမိန့်ကို ဖောက်ဖျက်ပြီး တည်မြဲဘက် လိုက်ကာ မဲခိုးမဲလိမ် လုပ်သဖြင့် အဖြုတ်ခံခဲ့ရသော ဗိုလ်ပြုတ်များနှင့် ဖဆပလ ၀ါရင့်ပဂေးကြီးများက NLDကို လက်ဝါးကြီးအုပ်ထား သဖြင့် မြွေမြွေချင်း ခြေမြင်သူများက အထက်ပါအတိုင်း NLD နှင့် လမ်းခွဲခဲ့ကြခြင်း ဖြစ်ပေသည်။

၁၉၉၀ပြည့်နှစ် ရွေးကောက်ပွဲကာလ၌ NLD ၏အမတ်လောင်းရွေးချယ်မှု ပုံစံက NLD ဗဟိုနှင့် မြို့နယ်များ အစေးမကပ်မှုကိုပြသခဲ့သည်။ မူလကပင် NLD ကို နှစ်ပါတီ ပူးပေါင်း ဖွဲ့စည်း ထားခြင်း ဖြစ်သည်။ ရွေးကောက်ပွဲအတွက် မြို့နယ် တစ်နယ်စီတွင်မဲဆန္ဒနယ် နှစ်နယ်စီ သတ်မှတ်ထားရာ NLD သန္ဓေက မဲဆန္ဒနယ် တစ်နယ်၊ မျိုးချစ်ရဲဘော်ဟောင်းက တစ်နယ်ဟု NLD ဗဟိုက မှာကြား ခဲ့သည်။

ယင်းကိစ္စကို NLD သန္ဓေတွေက မကျေနပ်ပေ။ ဗဟိုမှ ချုပ်ကိုင်မှုစနစ် ကျင့်သုံးသည်ဟု စွပ်စွဲကြသည်။ ပါတီအတွင်း၌ NLD သန္ဓေက အများစု ဖြစ်ပြီး မျိုးချစ်ရဲဘော် ဟောင်းက အနည်းစုဖြစ်၍ အချိုးကျ ခွဲတမ်းချခြင်းသည် တရားမျှတမှု မရှိဟု အငြင်းပွားခဲ့ ကြသည်။ ယင်းသို့ဖြစ်နေသည့် ကြားမှပင် ကိုယ်စားလှယ်လျာထား စာရင်းကို ရွေးကောက်ပွဲ ကော်မရှင်သို့ ပေးပို့ခဲ့သည်။

စည်းရုံးရေးကိစ္စ ဆောင်ရွက်ရန် အတွက် လျာထားခံရသော မျိုးချစ်ဟောင်းအဖွဲ့မှ ကိုယ်စားလှယ်များက သက်ဆိုင်ရာ မြို့နယ် မဲဆန္ဒနယ်များသို့ သွားရောက် ဆက်သွယ် ကြရသည်။ ဇာတိခံ ဒေသခံ ရွာခံ ဖြစ်သော မြို့နယ် NLD ရုံးအချို့က ထိုကိုယ်စားလှယ်ကို လက်မခံကြပေ။ အချို့ မြို့နယ်တွင် လက်မခံ ယုံမက မြို့နယ်ကော်မရှင်တွင် ကန့်ကွက်ကြသည်။ အချို့ဆိုလျှင် ရန်မူသည် အထိ ဖြစ်ခဲ့သည်။

မျိုးချစ်ရဲဘော် အချို့မှာ မိမိဇာတိမြို့နယ်တွင် ပါတီယှဉ်ပြိုင်ရန် လျာထားခံရလျက်မှ NLD သန္ဓေတို့၏ တားမြစ်မှုကို ခံခဲ့ကြရသည်။ အချို့မှာလည်း မြို့နယ် ကော်မရှင်တွင် NLD မြို့နယ် စည်းရုံးရေး အဖွဲ့များ၏ ကန့်ကွက်မှုကို ချက်ခြင်းထုချေခဲ့ကြ ရသည်။ မြို့နယ်ကော်မရှင် များကလည်း စစ်ဆေးပြီး NLD ဗဟို၏ လျာထားချက် အတိုင်း အတည်ပြုပေးခဲ့သည်။ ထိုအခါ ဦးနင်းပဲ့ထောင်၊ ပဲ့နင်းဦးထောင်သော လုပ်ရပ်များကို မြို့နယ် NLD တစ်ချို့က လုပ်လာခဲ့ကြသည်။ မျိုးချစ်ရဲဘော်ဟောင်း ကိုယ်စားလှယ်ဟောင်းကို လက်မခံဘဲ သူတို့ ကိုယ်စားလှယ် ပါဝင် ယှဉ်ပြိုင်မည်ဟု တင်သွင်းခဲ့ကြ ပြန်သည်။ ထိုအခါ မြို့နယ်ကော်မရှင်က NLD ၏ ခါးမောက် သင်္ကေတနှင့် ယှဉ်ပြိုင်၍ မရကြောင်း၊ အခြားပါတီ သင်္ကေတနှင့် ယှဉ်ပြိုင်နိုင်ကြောင်း ဥပဒေနှင့် အညီ ခွင့်ပြုပေးခဲ့သည်။ ထိုအခါ NLD မှ ကိုယ်စားလှယ်များသည်ပင် မြို့နယ်အချို့၌ လွယ်အိတ်၊ ကတ်ကြေး သင်္ကေတများဖြင့် ၀င်ပြိုင်ခဲ့ကြသည်။ ယင်းမဲဆန္ဒနယ်များ၌ NLD မှ ကိုယ်စားလှယ် သုံးဦးအထိ ၀င်ပြိုင်သည့် သဘော ဖြစ်ပေသည်။

၎င်းဖြစ်ရပ်များက မြို့နယ် NLD များက NLD ဗဟိုကို မယုံသည့် သဘောပြနေသည်။ မြို့နယ် NLD များက မျိုးချစ်ရဲဘော်ဟောင်းများ အပေါ် မကျေနပ်မှုကို ပြနေခြင်းပင် ဖြစ်သည်။ ဤသို့ ရွေးကောက်ပွဲ ခွဲတမ်းအတွက် အချင်းချင်း ခွက်စောင်းခုတ်မှုများ ရှိသည်ဟု ဆိုရလောက်အောင်ပြဿနာ ပေါင်းစုံ တတ်ခဲ့သည်။ ထိုမျှမကပဲ မျောက်ပြ ဆန်တောင်းသော လုပ်ရပ်နှင့် မဲဆန္ဒနယ် အချို့ကို ငွေကြေးဖြင့် ရောင်းစားခဲ့သည့် လုပ်ရပ်များ ကိုလည်း NLD ၏ အမှားတော်ပုံများ တွင် တွေ့မြင်ရပါလိမ့် ဦးမည်။

NLD က သွေးသစ်လောင်းပြီ

နွားပျိုသန်လှ နွားအိုပေါင်ကျိုး

(ကာတွန်း - ဟန်လေး၊ ဧရာဝတီ)

NLD ပါတီ၏ အမှားတော်ပုံများ (၇)

(၄၂)နှစ်မြောက် အာဇာနည်နေ့ကို အကြောင်းပြု၍ ဆူပူအုံကြွမှု ဖြစ်အောင် လှုံ့ဆော်ဖန်တီးခဲ့သော NLD သည် ထိုအာဇာနည်နေ့ကို အကြောင်းပြု၍ပင် ပါတီတွင်း၌ အက်ကွဲကြောင်း ထင်ခဲ့ပြန်သည်။ NLD က ပြည်ထဲရေး ၀န်ကြီး ဌာန၏ ကြေငြာချက်အတိုင်း မှတ်ပုံတင် ကင်းလွတ်ခွင့် မယူဟု ဖီဆန်ခဲ့စဉ်ကပင် NLD ၏ ဗဟိုဦးစီးနှင့် CEC နေရာယူ ထားသော မျိုးချစ်ရဲဘော်ဟောင်းများ အဖွဲ့ချုပ်က မှတ်ပုံတင် ကင်းလွတ်ခွင့် ရယူခဲ့သည်။

ယခု အာဇာနည်နေ့ အခမ်းအနားတွင်လည်း NLD ကအစိုးရ၏ အစီအစဉ်လ က်မခံဟုဆိုကာ အခမ်းအနားကို အပြိုင်လုပ်ရန် တာစူခဲ့စဉ်တွင် မျိုးချစ်ရဲဘော်ဟောင်းများ အဖွဲ့ချုပ်က အစိုးရ အစီအစဉ်အတိုင်း လွမ်းသူ့ ပန်းခွေချရန် စာရင်းပေးသွင်းခဲ့သည်။ NLD အတွင်းရှိ ဗကပအနွယ်များ၏ ပြောစကားများကြောင့် မျိုးချစ်ရဲဘော်ဟောင်းများအား အစာမကျေ ဖြစ်နေခဲ့သော ဒေါ်စုကြည်သည် တစ်ချီ၌ ဒေါသ ပေါက်ကွဲခဲ့ ပြန်သည်။

ဒေါ်စုကြည်သည် နောက်ပါ NLD လူငယ်များခြံရံလျှက် မျိုးချစ်ရဲဘော်ဟောင်းများ အဖွဲ့ချုပ်သို့ သွားရောက်ပြီး လမ်းခွဲစကားကို ဤသို့ပြောကြားခဲ့သည်။

"ကျွန်မကို တတ်သိတွေကပြော နေတာ ကြာပြီ။ အန်ကယ်တို့ မျိုးချစ်ရဲဘော်တွေဟာ နှစ်ဘက်လွှတွေ ၊ န၀တရဲ့ သတင်းပေး (informer) တွေ ၊ မယုံရဘူးလို့ ပြောကြပါတယ်။ ဒါပေမဲ့ ကျွန်မက အန်ကယ်တို့ဟာ ကျွန်မဖေဖေ လက်ထက် ကတည်းက တပ်ထဲမှာ အတူရှိခဲ့သူတွေအနေနဲ့ သဘောထားခဲ့ ပါတယ်။ အန်ကယ်တို့က ကျွန်မတို့ အဖွဲ့ချုပ်မှာလဲ နေရာတွေယူ ၊ အခွင့်အရေးတွေ ယူခဲ့ကြတယ်။ ကျွန်မတို့ရဲ့ အာဏာ ဖီဆန်ရေး လမ်းစဉ်ကိုတော့ လက်မခံကြဘူး။ န၀တ အစီအစဉ်နဲ့ အာဇာနည်နေ့မှာ ပန်းခွေချဖို့ စာရင်းပေးကြတယ်။ ကျွန်မတို့ တိုက်ခိုက် ဆန့်ကျင်နေတဲ့ မှတ်ပုံတင် ကင်းလွတ်ခွင့်ကို အန်ကယ်တို့ သွားယူတယ်။ အခုတော့ အန်ကယ်တို့ဟာ တတ်သိတွေ ပြောသလို တကယ်မှန်နေပြီ။ ဒါ့ကြောင့် အန်ကယ်တို့နဲ့ ကျွန်မတို့ လမ်းခွဲကြမှ ဖြစ်တော့မယ်။"

ဒေါ်စုကြည်၏ ယတိပြတ် ဆုံးဖြတ်ချက်စကားကို မျိုးချစ်ရဲဘော်ဟောင်းကြီးများက ပြန်လည် ဖြေရှင်းပြီး ချော့မော့နှစ်သိမ့် တိုးလျှိုးခဲ့ကြသည်။ ဒေါ်စုကြည်က ဗူးဆိုဖယုံမသီးတော့ပေ။ NLD နှင့် မျိုးချစ်အဖွဲ့ကို ဘွာမကူတမ်း ဖြတ်တောက်ပစ်ခဲ့သည်။ မျိုးချစ်ကြီးများ ကိုယ်တိုင် ၎င်းတို့ NLD မှ ကန်ထုတ်ခံရပြီဟု ပြင်ပတွင် ပြောခဲ့ကြသည်။ ဒေါ်စုကြည်၏ အဆိုပါပြောကြာချက် ကက်ဆက်ခွေများကို နေရာတိုင်း လိုလို၌ ဖွင့်ပြီး နားထောင်ခဲ့ကြသည်။ ဒေါ်စုကြည်က ၁၆.၇.၁၉၈၉ ရက်နေ့တွင် NLD နှင့် မျိုးချစ်ရဲဘော်ဟောင်းများ အဖွဲ့ချုပ်ကို အဆက်ဖြတ်ခိုင်းခဲ့သည်။ ဤသို့သာ အမှန်တကယ် ဖြစ်ခဲ့လျှင် NLD ၏ အခြေအနေသည် တစ်မျိုးတစ်ဖုံ ပြောင်းလဲသွားကောင်း သွားနိုင်ပေသည်။

မျိုးချစ်ရဲဘော်ဟောင်း EC အမှုဆောင်အဖွဲ့ ကလည်း အစည်းအဝေး လုပ်ပြီး NLD နှင့် လမ်းခွဲရန် ဆုံးဖြတ်ခဲ့ကြပြီး ဖြစ်သည်။ သို့ရာတွင် အတွင်းရေးမှူးဖြစ်သူ ဦးချစ်ခိုင်က " ဗဟိုဦးစီး အဖွဲ့ဝင်တွေ ဖိတ်ခေါ်ပြီး လမ်းခွဲဖို့ ဆုံးဖြတ်တာ ပိုသင့်တော်ပါတယ်။ နှစ်ရက်သုံးရက်လောက် စောင့်ပါဦး" ဟုပြော၍ စောင့်ခဲ့ကြသည်။ ထိုကာလမှာ အာဇာနည်နေ့ ဆူပူအုံကြွရန် ဖန်တီးလှုံ့ဆော်မှု အကျိုးဆက်အဖြစ် ဒေါ်စုကြည်နှင့် ဦးတင်ဦးတို့အား တားဆီး အမိန့်ထုတ်ပြန်ခဲ့သည်။

ဒေါ်စုကြည်အား ၂၀.၉.၁၉၈၉ ရက်နေ့တွင် သက်ဆိုင်ရာက နေအိမ်၌ တားဆီး မိန့်ထုတ်ခဲ့ရသည်။ ယင်းသို့ တားဆီးမိန့်မထုတ်မီ ဇူလိုင်လ ၁၉ရက်ညတွင် NLD ဌာနချုပ်လုပ်ထားသော တက္ကသိုလ် ရိပ်သာလမ်းရှိ ၎င်း၏နေအိမ်ခြံဝင်းကို သက်ဆိုင်ရာက စနစ်တကျ ဖွဲ့စည်းပြီး ၀င်ရောက် ရှာဖွေမှုပြုလုပ်ခဲ့သည်။

၎င်းခြံဝင်းထဲ၌ လွတ်မြောက်နယ်မြေသဖွယ် သဘောထားပြီး အစိုးရ ဆန့်ကျင်မှု မှန်သမျှကို လက်ရဲဇက်ရဲ လုပ်ခဲ့ကြောင်း တွေ့ရှိခဲ့ရသည်။ ဆန့်ကျင်စာများ၊ လက်နှိပ်စာများ၊ မိတ္တူကူးစက်များ၊ ဖြန့်ဝေခဲ့သည့် အဖွဲ့အစည်းအမည်အမျိုးမျိုး၊ မြို့အမည်အမျိုးမျိုးနှင့် ဆန့်ကျင်စာများကို သိမ်းဆည်းရရှိခဲ့သည်။ ခြံထဲမှ ဥပဒေအရ အရေးယူ အပြစ်ပေးခံရမည့် လူများ အပါအ၀င် NLD လူငယ် ၄၁ ယောက်ကို ဖမ်းမိသည်။ ၎င်းအထဲတွင် သောင်းကျန်းသူ အဖွဲ့ ဖြစ်သည့် ABSDF မှ ထောက်ပံ့ရေး ကော်မတီ တွဲဖက်တာဝန်ခံ စိုးမြတ်သူလည်း ပါဝင်ခဲ့သည်။

ဒေါ်စုကြည်သည် တောတွင်း သောင်းကျန်းသူများနှင့် ဆက်သွယ်ပ တ်သက်ခဲ့ သည့် တိုက်ပိတ် စိုးမြတ်သူ စသည့် တောတွင်း သောင်းကျန်းသူ အဖွဲ့အစည်း များကို ၎င်းခြံဝန်း အတွင်းလက်ခံတွေ့ဆုံ အားပေးခဲ့သည်။ ပြည်ပ အဖွဲ့အစည်းများနှင့် ဆက်သွယ်ပြီး နိုင်ငံတော် အစိုးရအား ၀ိုင်းပယ်ရန် ၊ အရေးယူ ပိတ်ဆို့ရန် စာရေး တိုက်တွန်းခဲ့သည်။ သောင်းကျန်းသူများနှင့် ဆက်သွယ် ဆက်ဆံ အားပေးမှု ပြုခဲ့သည်။ အစိုးရအပေါ် အကြည်ညို ပျက်အောင် ပြုမူပြောဆို လှုံ့ဆော်ခဲ့သည်။ ထိပ်တိုက်ရင်ဆိုင်ရေး ၊ အာဏာဖီဆန်ရေး လုပ်ရပ်များဖြင့် တည်ဆဲဥပဒေပုဒ်မ အများအပြားကို ချိုးဖောက်ခဲ့သည်။ ၎င်းကျူးလွန်ခဲ့သော ဥပဒေပုဒ်မ အားလုံးဖြင့်သာ ရုံးတင် တရားစွဲစစ်ဆေးပါက လွတ်ရက်မရှိ ထောင်ကျ နိုင်ကြောင်းသိရပေသည်။ သို့ရာတွင် နိုင်ငံတော်အစိုးရက စိတ်ရှည် သီးခံမှုများဖြင့် ထိန်းထိန်းသိမ်းသိမ်း ဆောင်ရွက်ခဲ့၍သာ နေအိမ်၌ တားဆီးမိန့်ဖြင့် နေနိုင်ခဲ့ခြင်း ဖြစ်သည်။

ထိုအချိန်တွင် NLD ဗဟိုအလုပ်အမှုဆောင် အဖွဲ့ဝင်အများစုမှာ ပြစ်မှုကိုယ်စီ ဖြင့် အရေးယူခံ နေရချိန် ဖြစ်သည်။ ဒေါ်စုကြည်ပါ တားဆီးမိန့် အထုတ်ခံ လိုက်ရသောအခါ NLD လည်း ရုပ်သေး ကြိုးပြတ်သလို ဖြစ်သွားသည်။ ဤအခြေကို အမိအရ ဆုပ်ကိုင်ပြီး လှုပ်ရှားသူများ ကတော့ မျိုးချစ်ရဲဘော်ဟောင်းများ ဖြစ်သည်။ NLD ကို ဦးဆောင်လှုပ်ရှား မည့်သူ မရှိချိန်တွင် မျိုးချစ်ရဲဘော်ဟောင်းများ အဖွဲ့ချုပ်မှ ဦးအောင်ရွှေက NLD ဥက္ကဌ နေရာ ၀င်ယူခဲ့သည်။ NLD အဖွဲ့ခွဲများ၊ အဖွဲ့ဝင်များအား စည်းရုံးရေးလုပ် ၊ ရွေးကောက်ပွဲဝင် ဖြစ်အောင်ဝင်ရမည်ဟု မက်လုံးပေးကာ NLD ကို အသက် ဆက်ပေးခဲ့သည်။ နောက်ကွယ်မှ အကြောင်းရင်း အမှန်မှာ လူထုက မဆလကို မုန်းနေသည့် အရှိန်မကုန်သေးမီ ရွေးကောက်ပွဲ၌ NLD မဲရနိုင်သည့် အခြေအနေကို မျှော်မှန်းပြီး လှေမျောကို လှေနှင့်လိုက်ရန် ကြိုးပမ်း ခဲ့ခြင်းဖြစ်သည်။ ဦးအောင်ရွှေတို့ အုပ်စုတွင် တည်မြဲဖဆပလ (တစ်ချိန်က ဆိုရှယ်လစ်ပါတီ တစ်ခြမ်း)မှ လူများပါဝင်ရာ နိုင်ငံရေး ဖျံများပီပီ NLD ဗဟိုကို အုပ်စီး လာခဲ့ကြပေသည်။

ဒေါ်လာစားတွေရဲ့ လုပ်ပေါက်

ဒီမိုလုပ်စား သူတောင်းစား လို့ ပြောရင် ရမယ် ထင်တယ်။ ကြည့်ပါအုံး ။
ကိုယ်စီးတဲ့မြင်း အထီးမှန်း အမမှန်း မသိ။ ဒေါ်လာစားတွေရေ ....ရှက်စရာ ကောင်းလိုက်တာ ။
နေ့တွက် ရလို့သာ လုပ်နေတယ် ထင်တယ်။ မြန်မာပြည်ဒီမိုကရေစီ ခေါင်းဆောင် ဆိုသူရဲ့
နာမည်တောင် မှန်အောင် မပေါင်းနိုင်ဘူး၊

NLD ပါတီ၏ အမှားတော်ပုံများ (၆)

ယင်းသို့ နိုင်ငံရေးပါတီအချင်းချင်း မလိမ်မ့တပတ်လုပ်ခဲ့သော NLD သည် ၁၉၈၉ခုနှစ်ဇူလိုင်လ (၁၉)ရက် (၄၂) မြောက်အာဇာနည်နေ့ကို အကြောင်းပြုပြီး အခြားပါတီများကို ခုတုံးလုပ်အသုံးချခဲ့ပြန်သည်။ ဒေါ်စုကြည်နှင့် NLD ကအာဇာနည်နေ့ ချီတက်အလေးပြုမည့် အစီအစဉ်ကို ဒုတိယမြောက် အရေးအခင်းအဖြစ် လုပ်ကြံဖန်တီး ခဲ့ခြင်းဖြစ်သည်။
အစိုးရက အာဇာနည်နေ့အလေးပြုပွဲ အခမ်းအနားသို့ ဒေါ်စုကြည်အပါအ၀င် အာဇာနည်ခေါင်းဆောင်များ၏ မိသားစုများကို ထုံးတမ်းစဉ်အလာအတိုင်း သီးခြားဖိတ်ကြား ခဲ့သည်။ နိုင်ငံရေးပါတီများကိုလည်း တစ်ပါတီလျှင် ကိုယ်စားလှယ် (၁၀)ယောက် တက်ရန်ဖိတ်ကြားခဲ့သည်။ သို့ရာတွင် ဒေါ်စုကြည်က ပြသနာထလုပ်သည်။ ၄င်းအနေဖြင့် သီးခြားမတက်ဘဲပါတီများ ပြည်သူများနှင့် အတူတက်မည်ဟုဆိုသည်။
ဇူလိုင်(၁၃)ရက်နေ့ကျောက်တံတားမြို့နယ်NLD ရုံးတွင် ဒေါ်စုကြည် အာဇာနည်နေ့အခမ်းအနားသို့ စစ်ပါတီ (၁၀)ယောက်တက်ရောက်ရသည်ဆိုသည် ကိုလက်မခံကြောင်း၊ အများပြည်သူနှင့်ဆိုင်သော နေ့ဖြစ်၍ အားလုံးချီတက်အလေးပြု နိုင်ကြောင်း၊ လုံးခြုံရေးတပ်ဖွဲ့များကို ရုပ်သိမ်းပေးရမည်ဖြစ်ကြောင်း ပြောကြားခဲ့သည်။ ယင်းသို့ လူစုလူဝေးနှင့် စုပေါင်းချီတက်မည့်အစီအစဉ်သည် ဒုတိယအကြိမ်ဆူပူအုံကြွ အကြမ်းဖက်မှုဖြစ်အောင် လှုံ့ဆော်လိုက်ခြင်းပင်ဖြစ်သည်။ ဗ က ပ ယူဂျီများကလည်း ဒေါ်စုကြည်၏ အစီအစဉ်ကိုလိုက်နင်းပြီး လှုံဆော်ဖန်တီးမှုများပြုလုပ်ခဲ့ကြသည်။
တစ်နည်းအားဖြင့် အစိုးရနှင့် ပြည်သူလူထုကို ရန်တိုက်ပေးခြင်းပင်ဖြစ်သည်။
ထို့နောက် အာဇာနည်နေ့ ကျင်းပရေးဗဟိုကော်မတီသို့် NLD ဥက္ကဌဦးတင်ဦး လက်မှတ်ရေးထိုးပြီး စာတစ်စောင် ပေးပို့ခဲ့သည်။ နိုင်ငံရေးပါတီ (၁၀၄)ပါတီစုပေါင်းပြီး ပြည်သူလူထုနှင့် အတူချီတက်အလေးပြုရန်စုပေါင်းဆုံး ဖြတ်ထားကြောင်းဟု ဖော်ပြထားသည်။ ထိုစာကိုအောက်ခြေအဆင့်ဆင့်ရှိပါတီရုံးများသို့ လည်းဖြန့်သည်။ ပါတီရုံးများက မြို့နယ်များတွင် သတင်းဆက်လွှင့်သည်။ ၄င်းတို့အစီအစဉ်ဖြင့် မဖြစ်မနေချီတက်မည့်ပုံပေါ် နေပေသည်။
ဇူလိုင်လ(၁၈)ရက်နေ့ညတွင်NLDပါတီလူကြီးပိုင်းတစ်ညလုံးဆွေးနွေးကြသည်။ (၁၉)ရက်နေ့NLDအဖွဲ့ချုပ် ရုံး၌ အာရုံဆွမ်းကပ်အပြီးတွင် ဒေါ်စုကြည်က အာဇာနည် နေ့ချီတက်မည့်အစီအစဉ်ကို ဖျက်လိုက်ကြောင်းကပ် ပြီးမှပြောသည်။ အစိုးရက ကျင်းပသည့် အာဇာနည်နေ့အခမ်းအနားကို သပိတ်မှောက်ကြောင်း ကြေညာချက်ထုတ်မည်ဟုပြောကာ ၄င်းကိုယ်တိုင်ရေသားသည်။ အစိုးရက်NLD အားဆူပူမှုဖန်တီးသည်ဆို သည့် အကြောင်းဖြင့် ဖျက်သိမ်းမည်ကို စိုးရိမ်ပြီး စာထုတ်ရန် လုပ်ခြင်းဖြစ်သည်။

သို့ရာတွင် အစီအစဉ်ဖျက်လိုက်သည်ကို အခြားပါတီများနှင့် အောက်ခြေမှ မသိခဲ့ကြပေ။ ရန်ကုန်မြို့အနှံ့ကြိုတင် လှုံ့ဆော်မှုအရ ချီတက်ရန်စုရုံးမှုများ ရှိလာကြသည်။ လုံခြုံရေးအဖွဲ့က တားဆီးရသဖြင့် အခြေအနေများရှုပ်ထွေးသွားခဲ့သည်။ တားဆီးထိန်းသိမ်း ခံရသူများ လည်းရှိခဲ့သည်။NLD နှင့်ဒေါ်စုကြည်၏ တို့မီးရှို့မီးလုပ်ပြီးခေါင်းရှောင်သွားမှုကို လူငယ်များနှင့် အခြားပါတီများက မကျေမနပ်ဖြစ်ခဲ့ ကြပေသည်။

NLD ပါတီ အမှားတော်ပုံမှား (၅)

NLDမှ ဦးအောင်ကြီးကို ဖယ်ထုတ်ပြီးနောက်ပိုင်း၌ ဒေါ်စုကြည်၏ သြဇာပိုကြီးလာခဲ့သည်။ အမာခံအင်အားအဖြစ် အရေးအခင်းကာလ ဆူပူလှုပ်ရှားသူများကို တိုးချဲ့အသုံးပြုလာသည်။ NLDအတွင်းမှ လက်ဝဲသမား ကွန်မြူနစ်များက ဦးအောင်ကြီးကို ရှင်းပစ်နိုင်ခဲ့ပြီး ဆက်၍ မျိုးချစ်ရဲဘော်ဟောင်း အမည်ခံ ဘောင်းဘီချွတ်နှင့် ဗိုလ်ပြုတ်များကို ဖြိုနိုင်မှ NLDကို အပိုင်စီးနိုင်မည်ဟု တွက်ခဲ့ကြသည်။ ဤသို့ဖြင့် မျိုးချစ် ရဲဘော်ဟောင်း အဖွဲ့မှ ဦေးအာင်ရွှေ ၊ ဦးချစ်ခိုင် စသူတို့သည် NLDလက်ဝဲအုပ်စု၏ ဒုတိယ ပစ်မှတ်ဖြစ်လာ ပေသည်။

ထိုကာလတွင် ၃.၂.၁၉၈၉ ရက်နေ့၌ ဦးကိုယု (စာရေးဆရာမောင်ကိုယု) က NLD ဦးစီး အဖွဲ့သို့ "လက်ရှိ အခြေအနေနှင့် နောင်အနာဂတ် အလားအလာအတွက် သုံးသပ်ချက် " ဟူသည့် စာတမ်း တင်သွင်းခဲ့သည်။ ၄င်းစာတမ်းတွင် ဖိနှိပ်ချုပ်ချယ်ထားသော အမိန့်များကို ရုပ်သိမ်းရေး ၊ တိုက်ပွဲပုံစံကို တစ်ဆင့်ချင်း တိုးမြှင့်ရေး၊ လက်အောက်ခံ မြို့နယ်အဖွဲ့များ မဟာမိတ်ပါတီများနှင့်း ပါင်းပြီး လက်ကိုင် ပိုစတာ လည်ချိတ်ပိုစတာများ ဆွဲပြီး နှစ်ပတ်လည် ဆန္ဒပြမှုများ ပြုလုပ်ရမည်ဟု ရေးသားထားသည်။

ယင်းသည် အာဏာဖီဆန်ရေး အကြမ်းဖက် စီမံချက်ပင်ဖြစ်သည်။ ဦးကိုယုမှာ အလံနီ ကွန်မြူနစ်ဖြစ်ရာ အလံနီတစ်ဦး၏ စီမံချက်ကို လက်ခံလိုက်လျင် ဗ က ပ အနွယ်များ သိက္ခာကျနိုင်သဖြင့် ထိုစီမံချက်ကို တတ်သိ ဗ က ပအုပ်စုက အာဏာဟူသမျှဖီဆန်ကြ ဆောင်ပုဒ်ဖြင့် အစားထိုးခဲ့ကြသည်။

တတ်သိ လက်ဝဲအုပ်စုသည် ဒေါ်စုကြည်အား ပါတီအနေဖြင့် ပြည်သူလူထု အထင်ကြီးစေမည့် လှုပ်ရှားမှု ( Movement) များပြုလုပ်နိုင်မှ အသက်ဝင်နေမည်ဖြစ်သည်ဟု ၀ိုင်းပြောလာကြသည်။ ယခင် ဟံသာဝတီ သတင်းစာ အယ်ဒီတာချုပ် လုပ်ခဲ့ဖူးသူ ဦးဝင်းတင်ကလည်း ၁၈၄၁ခုနှစ်က ပေါ်ထွက်ခဲ့သည့် အမေရိကန် တွေးခေါ်ပညာရှင် ဒေးဗစ် သော်ရိုး ၏ ရေးသားချက်များကို ကိုးကားပြီး အမိန့်အာဏာဖီဆန်ရေး ကိစ္စများကို နားချခဲ့ခြင်း ဖြစ်သည်။

၁၉၈၉ခုနှစ် ဇွန်လတွင် ဦးဘသော် ( စာရေးဆရာ မောင်သော်က) က ဒေါ်စုကြည် အား ဒေးဗစ်သော်ရိုး၏ စာပိုက်များကို ရွတ်ပြခဲ့သည်။ NLD တတ်သိ အုပ်စုဝင် မောင်သော်က ၊ ဒေါ်မြင့်မြင့်ခင် ၊ စမ်းစမ်းနွဲ့( သာယာဝတီ) ၊ မောင်ကိုယု၊ မောင်ဝံသ ၊ မောင်ခက်ပန်၊ တင်မိုးတို့က Civil Disobedience လိုင်းကို တင်ခဲ့ကြသည်။ ဦးဝင်းတင်ကလည်း ဒေါ်စုကြည်၏ တာဝန်ပေးအပ်ချက်အရ "အများသဘောမတူပဲ အမိန့်အာဏာဟူသမျှ တာဝန်အရ ဖီဆန်ကြ"ဟူသော ကြွေးကြော်သံကို တင်ပြရာ အားလုံးက လက်ခံ အတည်ပြုခဲ့ကြသည်။ ဤသို့ဖြင့် အာဏာဖီဆန်ရေး လုပ်ရပ်ကို အဆက်မပြတ် ဆက်တိုက် လုပ်လာ ခဲ့တော့သည်။

ပြည်ထဲရေး ၀န်ကြီးဌာနက ပါတီအဖွဲ့အစည်းများ ပါတီတွင်းစည်းရုံးရေး အတွက် ရေးသားဖြန့်ဝေမည့် စာရွက်စာတမ်းများ ကိစ္စနှင့် စပ်လျဉ်းပြီး မှတ်ပုံတင် ကင်းလွတ်ခွင့်ရယူရန် ကြေငြာခဲ့သည်။ NLDက ထိုကင်းလွတ်ခွင့်ကို ရယူရန်မလို ၊ ကိုယ့်စိတ်ကြိုက် ရေးသားထုတ်ဝေ နိုင်သည်ဟု ပြောကာ ဖီဆန်ခဲ့သည်။ ပါတီ၏ စည်းရုံးရေးကို ဆန့်ကျင်ရေးနှင့် တွဲပြီး လုပ်ခဲ့သဖြင့် NLD သည် ကိုယ့်ရှူး ကိုယ်ပတ် ကိုယ့်လက်ကိုမနိုင် ဖြစ်လာခဲ့သည်။

NLDသည် နိုင်ငံရေးပါတီများ မှတ်ပုံတင်ခွင့် ဥပဒေအရဖွဲ့စည်းပုံနှင့် တကွ တရားဝင် တင်ပြ၍ ဖွဲ့စည်းခွင့်ရထားသော ပါတီဖြစ်သည်။ သို့ရာတွင် မြေနီကုန်းအရေးအခင်း နှစ်ပတ်လည်နေ့ဆိုပြီး ဒေါ်စုကြည် ထင်ရာ ထလုပ်လိုက်ခြင်းသည် ဗဟိုအလုပ်အမှုဆောင် အဖွဲ့ ဆုံးဖြတ်ချက် မရယူပဲ လုပ်ခြင်းဖြစ်၍ ပါတီစည်းကမ်းအရ အရေးယူ သင့်သည့် ကိစ္စမျိုးဖြစ်သည်။ သို့ရာတွင် ပါတီ ဗဟိုအလုပ်အမှုဆောင် အဖွဲ့သည် အရုပ်များသာ ဖြစ်သည်။ ရုပ်ပြမျှသာ ဖြစ်နေပေသည်။

၎င်းအဖွဲ့ဝင် အများစုသည် အသက်လည်းကြီးပြီး နိုင်ငံရေးအရ ထင်ပေါ်မှုမရှိ ဖြစ်နေချိန်တွင် အရေးအခင်းနှင့် ကြုံ၍ နေရာရလာချိန်ဖြစ်သည်။ ထို့ကြောင့် ဒေါ်စုကြည်၏ အငြိုအငြင်ကို မခံရဲကြပေ။ ဒေါ်စုကြည် ငြိုငြင်ပါက ဦးအောင်ကြီးနှင့် အုပ်စုလို ပထုတ်ခံရမည်ကို စိုးရွံ့နေခဲ့ကြသည်။ ထို့ကြောင့် အပြစ်တင်စကား ပြောသည်ကိုပင် လေပြေထိုးပြီး ပြောခဲ့ကြရသည်။ ထို့ကြောင့် NLD CEC အား ယခုပြည်ပြေး ဖြစ်နေသူ မိုးသီးဇွန်က ကျောင်းထိုင် ဘုန်းကြီးမသိပဲ ဘာမှမလုပ်ရဲ မကိုင်ရဲ မဆုံးဖြတ်ရဲသော ကပ္ပိယနှင့် တူနေပြီဟု ဝေဖန်သုံးသပ်ခဲ့သည်။

မိုးသီးဇွန်က ၁၀.၂.၁၉၈၉တွင် "အမျိုးသားနိုင်ငံရေး လှုပ်ရှားမှုနှင့် ဒေါ်စုကြည် အပေါ်သုံးသပ်ချက်" ခေါင်းစဉ်ဖြင့် စာတမ်း ရေးသားပေးပို့ခဲ့ခြင်း ဖြစ်သည်။ ၄င်းစာတွင် ပုဂ္ဂိုလ်ရေး ထိုးနှက်ချက် အချို့ပါသော်လည်း NLD ၏ ပကတိအခြေအနေမှန်ကို ထင်ဟပ်သည်ဟု ဆိုကြသည်။ ၄င်းစာတမ်းတွင် "NLD ပါတီသည် ခေါင်းဆောင်ဆိုသူ အမျိုးသမီးကို ပုဂ္ဂိုလ်ရေး ရှေ့တန်းတင်လွန်းနေကြောင်း၊ ယင်းသည် ကောင်းသည့်လက္ခဏာ မဟုတ်ကြောင်း ၊ ပုဂ္ဂိုလ်ရေး ဆန်လွန်းလျှင် အဖွဲ့အစည်းပါ ကျဆုံးသွားနိုင်ကြောင်း ၊ NLDသည် ဆွမ်းလောင်းအသင်း ၊ သာရေးနာရေး အသင်း၊ ရေကြည်တေ်ာဝတ်အသင်း တစ်ခုထက် မပိုကြောင်း ၊ လူထုကို ကိုယ်စားမပြု၊ နိုင်ငံရေး ဦးဆောင်မှုမပေးပဲ ရွေးကောက်ပွဲကိုသာ အာရုံစိုက်လုပ် နေကြောင်း ၊ လူထုကနိုင်ငံရေး ပါတီတွေအပေါ် စိတ်ပျက်နေကြောင်း ၊ စည်းကမ်းရှိပါ၊ ညီညွတ်ပါ ဆိုသည့် အဘိဓမ္မာမှာ ကျဆုံးသွားပြီး ဖြစ်ကြောင်း ၊ ယင်းအဘိဓမ္မာဖြင့် ဒီမိုကရေစီကို မရနိုင်ကြောင်း ၊ လူတန်းစားပျက်ကြီးများနှင့် ထောင်ထားသည့် ပါတီဖြစ်၍ နိုင်ငံကို ခေါင်းမဆောင် နိုင်ကြောင်း" စသည်ဖြင့် ဝေဖန်သုံးသပ်ခဲ့သည်။

သို့သော် ဒေါ်စုကြည်နှင့် NLDက ဝေဖန်ရေး လက်မခံခဲ့ပေ။ မိုးသီးဇွန်၏ ဝေဖန်ချက်က ဒေါ်စုကြည်အား အနာပေါ်တုတ်ကျသလို နာသွားစေသည်။ နာလိုခံခက်ဖြင့် အမျက်ထွက်ခဲ့သည်။ ခုတ်ရာတခြား ရှရာတခြား ဖြစ်သွားသည်။ ဒေါ်စုကြည်၏ အတ္တမာနနှင့် မခံချင်စိတ်ကို နှိုးဆွ သွေးထိုးပေး လိုက်သလို ဖြစ်ခဲ့လေသည်။ ယင်းသို့ မြှောက်သူကမြှောက် ၊ ချွန်တွန်းပင့် လုပ်သူက လုပ်နေကြသဖြင့် ဒေါ်စုကြည်က ပို၍ အရွဲ့တိုက်သလို လုပ်လာသည်။ နိုင်ငံရေးအရ မပြောသင့် မဆိုသင့်သည် များဖြင့် ပြောမှားဆိုမှား ဖြစ်ခဲ့ သည်။ NLD CEC အဖွဲ့က မူ ဒေါ်စုကြည်ကို မျောက်ပြဆန်တောင်း လုပ်ကောင်း ခဲ့ကြပေသည်။

NLD ပါတီ၏ အမှားတော်ပုံများ (၄)

ထို့ကြောင့်လည်း ဒေါ်စုကြည်က ဦးအောင်ကြီးအား အပေါ်စီးမှ ဆက်ဆံ ခဲ့သည်။ ထိုကာလက ပြင်ဦးလွင်ဘက်သို့ ပါတီစည်းရုံးရေး ကိစ္စနှင့် ရောက်နေသော ဥက္ကဋ္ဌ ဦးအောင်ကြီးအား အထွေထွေ အတွင်းရေးမှူး ဒေါ်စုကြည်က ဌာနချုပ်သို့ ပြန်လာရန် စာပို့၍ အကြောင်းကြားရာတွင် ဌာနချုပ်၌ အရေးကြီးသဖြင့် ဥက္ကဋ္ဌ ဦးအောင်ကြီး အမြန်ပြန်လာပါရန် ညွှန်ကြား လိုက်သည်ဟူ၍ ရေးသားလိုက်ကြောင်း သိရပေသည်။ ဥက္ကဋ္ဌလုပ်သူကို အတွင်းရေးမှူးဖြစ်သူက ညွှန်ကြားချက် ထုတ်သည့် သဘောဖြစ်နေပေသည်။
ဦးအောင်ကြီးကလည်း ခေသူမဟုတ်၊ ၂၉-၁၁-၈၈ ရက်နေ့စွဲဖြင့် ဒေါ်စုကြည်ထံ အရေးပေါ်သုံးသပ်ချက်ကို ပေးပို့ခဲ့သည်။ စာပါ အဓိကအချက်မာ ဗဟိုဦးစီး အဖွဲ့ဝင်ရှစ်ဦးသည် ကွန်မြူနစ်ဟောာင်း ကွန်မြူနစ်လိုလားသူများဖြစ်၍ NLDမှ ဖယ်ရှားပေးရန် အကြောင်းကြားခြင်း ဖြစ်သည်။ အချက်အလက်များကို အပြည့်အစုံ ဖော်ပြရလျှင် -
(၁) NLD တွင် ကွန်မြူနစ်နှင့် ကွန်မြူနစ်လိုလားသူအုပ်စု ကြီးထွား နေသည်။
(၂) အဖွဲ့ချုပ်အောက်ခြေတွင် မြေပေါ်မြေအောက် (အိုဂျီနှင့်ယူဂျီ)များ ပေါ်ပေါက်လှုပ်ရှားနေသည်။
(၃) ယင်းအခြေအနေကို အကြောင်းပြု၍ ရွေးကောက်ပွဲ နီးချိန်တွင် သက်ဆိုင်ရာက ပင်ဖျက် နိုင်သည်။ ငွေရေး ကြေးရေးကိစ္စ ဖြင့်လည်း ပါတီ ပယ်ဖျက်ခံရနိုင်သဖြင့် တိုင်းနှင့်ပြည်နယ် များတွင် စာရင်းများ စစ်ဆေးပြီး ဖြစ်သင့်သည် ။
(၄) အောင်-စု-တင် မကွဲရန် အထူးဂရုစိုက်သင့်သည် ။
(၅) အောင်-စု-တင် အဖွဲ့အတွင်းမှ ကွန်မြူနစ်နှင့် ကွန်မြူနစ်လိုလားသူဟု ယူဆရသူများကို အနားယူရန် မေတ္တာရပ်ခံသင့်သည်။
(၆) ခြေမမြဲ ၊ လက်မမြဲဖြစ်ရန် NLDတွင် အရန်အဖွဲ့ရှိသင့်သည် ။
(၇) ပြည်ထောင်စုအမျိုးသား ဒီမိုကရေစီပါတီသည် အရန်အဖွဲ့သာဖြစ်၍ NLD၏ အလံအောက်တွင် ရှိသည် ။
(၈) ပြည်ထောင်စုအမျိုးသား ဒီမိုကရေစီပါတီသည် အမျိုးသား တပ်ပေါင်းစုဝင် အဖွဲ့အစည်းတစ်ခုအဖြစ် လှုပ်ရှားမည်ဟူ၍ ဖြစ်သည်။
နောက်ပိုင်း လက်တွေ့ဖြစ်စဉ်၌ ပြည်ထောင်စု အမျိုးသားဒီမိုကရေစီပါတီသည် ဦးအောင်ကြီး၏ ခြေမမြဲ လက်မမြဲအရန်ပါတီ ဖြစ်လာသည်။ မျိုးချစ်ရဲဘော်ဟောင်းများ အဖွဲ့ချုပ်က ဦတင်ဦး၏ အရန်ပါတီဖြစ်လာသည်။ ထို့အတူ ပြည်ပြေးစိန်ဝင်း (ဒေါ်စုကြည်၏ မောင်ဝမ်းကွဲ)၏ အမျိုးသားဒီမိုကရေစီပါတီကလည်း ဒေါ်စုကြည်၏ အရန်ပါတီ ဖြစ်ခဲ့သည် ။
အဆိုပါ ဦးအောင်ကြီး၏ အရေးပေါ်သုံးသပ်ချက်ကို NLD အတွင်းမှ သက်ဆိုင် သူများက ဆတ်ဆတ်ခါ နာခဲ့ကြသည်။ ဦးအောင်ကြီးက ကွန်မြူနစ် သို့မဟုတ် ကွန်မြူနစ် လိုလားသူများဟု စွပ်စွဲခံရသူများတွင် ဒေါ်စုကြည်အုပ်စုမှ (၁) ဦးကိုယု၊ (၂)ဒေါ်မြင့်မြင့်ခင် ၊ (၃) ဦးမိုးသူ၊ (၄)ဦးဝင်းတင်၊(၅) ဦးတင်ရွှေ (မုံရွာ)၊ (၆)ဦးထွန်းတင်၊ (၇)ဦးအောင်လွင်၊(၈) ဦးချမ်းအေး တို့ ပါဝင်သည်။ ဒေါ်စုကြည်က ၄င်း၏ အမာခံတတ်သိပညာရှင်အုပ်စုမှ လူများကို စွပ်စွဲသဖြင့် ဒေါသူပုန် ထခဲ့သည် ။
NLD ဗဟို၌ အုပ်စုလွန်ဆွဲပွဲ ဖြစ်လာသည်။ ဒေါ်စုကြည်ကလည်း ၄င်းကို ဆရာကြီး လုပ်နေသော ဦးအောင်ကြီးကို ကန်ထုတ်ချင် နေချိန်ဖြစ်သည် ။ ၄င်းအုပ်စုမှ လက်ဝဲသမား တတ်သိများကလည်း ဦးအောင်ကြီးကို လုံးဝ မလိုလားပေ။ ဦးတင်ဦးအုပ်စုမှ ဦးအောင်ရွှေတို့ မျိုးချစ်ရဘော်ဟောင်းများအဖွဲ့ကလည်း ဦးအောင်ကြီးအပေါ် အာဃာတ ရှိထားခဲ့သည် ။
NLD အတွင်းကွန်မြူနစ်နှင့် ကွန်မြူနစ်လိုလားသူ ဖယ်ရှားပေးရေးတို့သည် ဥက္ကဌေ အာင်ကြီးက အထွေထွေ အတွင်းရေးမှူး ဒေါ်စုကြည်အား သဘောထားပေးသလို လုပ်ခဲ့ခြင်းဖြစ်သည်။ ထိုသဘောထားကို အထွေထွေ အတွင်းရေးမှူးက လက်မခံသောအခါ ပါတီတွင်းဂိုဏ်းဂဏအုပ်စု တိုက်ပွဲဖြစ်လာခဲ့သည်။
ဒီမိုကရေစီ ကျင့်စဉ်အရ ကြည့်လျှင် ယင်းကဲ့သို့ပါတီတွင်း သဘောထား ကွဲလွဲမှုကို ပါတီဗဟို ဦးစီးကော်မတီ အဆင့် သို့မဟုတ် ဖြစ်နိုင်ပါက ပါတီညီလာခံ အဆင့်တွင် ဆန္ဒယူပြီးမှ အဆုံးအဖြတ် ပေးရမည့် လုပ်ထုံးလုပ်နည်းရှိပေသည်။ သို့ရာတွင် ပါတီဝင်ထု၏ ဒီမိုကရေစီပိုင်ခွင့်ကို ဘေချိတ်ပြီး ဗဟို အလုပ်အမှုဆောင် ကော်မတီ အဆင့်နှင့် မဲခွဲဆုံးဖြတ်ခဲ့ကြသည်။
၃.၁၂.၈၈ရက်နေ့တွင် ဤကိစ္စနှင့်ပက်သက်ပြီး NLDဌာနချုပ် ဗဟိုဦးစီး အစည်းအဝေး၌ တင်သွင်းပြီး လျို့ဝှက်မဲခွဲ ရန်ဆုံးဖြတ်လုပ်ဆောင်ခဲ့သည်။ ဤသို့မဲခွဲရာ၌ ရှုံးသူထွက်ရမည်ဟု ကြိုတင် သဘောတူခဲ့ကြောင်း ဒေါ်စုကြည်တို့ဘက်က နောက်ပိုင်းတွင် ပြောခဲ့သည်။
ဦးအောင်ကြီး အနေဖြင့် ပါတီတွင်း ကွန်မြူနစ်ဖယ်ရှားရေးတွင် ၄င်း၏အုပ်စုဝင် ၁၄မဲနှင့်ဦးတင်ဦး အုပ်စုမှ ၁၄မဲကိုပါ ရလိမ့်မည်ဟု ကြိုတွက်ခဲ့ပုံရသည်။ ယင်းအစည်းအဝေး၌ ကွန်မြူနစ်ဟု စွပ်စွဲခဲ့ရသူများက ၄င်းတို့ ကွန်မြူနစ်မဟုတ်ကြောင်း ငြင်းကြသည်။ အချို့က လည်း တစ်ချိန်က ဟုတ်ခဲ့သည်။ ယခုမဟုတ်တော့ဟုဆိုခဲ့ ကြသည်။
မဲခွဲသောအခါ ဦးအောင်ကြီး၏ အဆိုကို ဒေါ်စုကြည်အုပ်စုမှ ၁၄မဲ၊ ဦးတင်ဦးအုပ်စုမှ ၁၄မဲနှင့် ဦးအောင်ကြီး အုပ်စုမှ တစ်မဲ (ဦးကြည်မောင်) တို့က ဆန့်ကျင်မဲပေးခဲ့ကြသည်။ ယင်းသို့ ဖြစ်ရခြင်းသည် ဦးတင်ဦးအုပ်စုမှ မျိုးချစ်ရဲဘော်ဟောင်း ဆိုသူများက ဦးအောင်ကြီးအပေါ် တင်နေသည့် အာဃာတကြောင့် ဖြစ်သည်။ ဖဆပလ နှစ်ခြမ်းကွဲသည့် ကာလ အိမ်စောင့်အစိုးရ တာဝန်ယူရစဉ် ၁၉၆၀ပြည့်နှစ်၌ ရွေးကောက်ပွဲ ကျင်းပခဲ့သည်။ သန့်ရှင်းဖဆပလ နှင့် တည်မြဲ ဖဆပလတို့ ယှဉ်ပြိုင်ကြသည်။ ကာကွယ်ရေး ဦးစီးချုပ်က တပ်မှူး များအား ဘက်မလိုက်ကြရန်နှင့် ရွေးကောက်ပွဲတွင် ၀င်မစွက်ဖက်ကြရန် ညွှန်ကြား တားမြစ်ခဲ့သည်။
သို့ရာတွင် ဆိုရှယ်လစ် ပါတီဝင် တပ်မှူးကြီးအချို့က တည်မြဲဘက်မှ ၀င်ရောက် စွက်ဖက်ခဲ့ကြသည်။ ယင်းကိစ္စ ပေါ်လာသဖြင့် တပ်မှူးအများအပြားတပ်မှ ထွက်သွားရသည်။ အချို့ကို သံအမတ် ၊ အချို့ကို စစ်သံမှူး အဖြစ်ပြောင်းရွှေ့ ပစ်ခဲ့သည်။ ထိုစဉ်က ဦးအောင်ကြီးသည်လည်း ဆိုရှယ်လစ် ပါတီဝင် (တည်မြဲဖဆပလမှ ဦးဗဆွေ၊ ဦးကျော်ငြိမ်းတို့၏ လူ ) ဖြစ်ခဲ့သော်လည်း ဦးအောင်ရွှေတို့ လူသိုက်သာ အပြစ်ရောက်သွားပြီး ဦးအောင်ကြီး အရေးယူမခံရသဖြင့် အစာမကျေပဲ မကျေမနပ်ဖြစ်ကာ အာဃာတ ထားရှိခဲ့ခြင်း ဖြစ်သည်။ ယခု NLD ဗဟိုဦးစီးအဖွဲ့ မဲခွဲဆုံးဖြတ်မှု ပြုရာ၌ ထိုအာဃာတ ပေါ်လာခဲ့သည်။
ဤသို့ဖြင့် ဦးအောင်ကြီးအဆို ရှုံးသွားသည်။ NLDက ၁၃.၁၂.၈၈ ရက်နေ့တွင် ဦးအောင်ကြီး အုပ်စုတစ်ခုလုံး( ဦးကြည်မောင်မှအပ ) ကို ၄င်းပါတီမှ ထုတ်ပစ်လိုက်ကြောင်း ကော်မရှင်သို့ တင်ပြသည်။ ဦးအောင်ကြီးကလည်း ကွန်မြူနစ်ဖယ်ရှားရေး ၊ မဖယ်ရေး မဲခွဲရုံဖြင့် ဥက္ကဌအဖြစ်မှ ပြုတ်စရာမလိုဟု ခြေပကာ ကော်မရှင်သို့ စာတင်သည်။ ဦးအောင်ကြီးက NLDမှ နှုတ်ထွက်မှူမပြုပဲ တင်းခံခဲ့သော်လည်း မပိုင်ဝက်မွေး သလိုဖြစ်ကာ နောက်ဆုံး အားလျှော့ပြီး ပြည်ထောင်စု အမျိုးသား ဒီမိုကရေစီပါတီကို ခွဲထွက် ထူထောင်ခဲ့သည်။ ယင်းသည် ဒီမိုကရေစီ ဟုတွင်တွင်ကြွေးကြော်နေပြီး လက်တွေ့ဘ၀၌ ဒီမိုကရေစီကျင့်စဉ် ယုံကြည်စွာ မကျင့်သုံးရဲပေ။

ဦးအောင်ကြီးအုပ်စု NLDမှထွက်သွားရခြင်း နောက်ကွယ်မှ အဓိပ္ပာယ်သည် ပါတီတွင်း၌ ကွန်မြူနစ်ပဲရှိရှိ CIA၏ ငယ်မွေးခြံပေါက် များပဲရှိရှိ ကိုယ့်အုပ်စုအင်အား တောင့်အောင် လုပ်ရေးသည်သာ အဓိက ဖြစ်လာခဲ့သည်။ ဗ က ပ အနွယ်အုပ်စုများက ဒေါ်စုကြည်၏ ပုဂ္ဂိုလ်ရေး သြဇာကိုအသုံးချပြီး ဦးအောင်ကြီးအုပ်စုအား အလဲထိုးလိုက်ခြင်း ဖြစ်သည်။ နောက်ပိုင်း၌ ဒေါ်စုကြည်သည် NLDအတွင်းတွင် လုပ်ချင်တာ လုပ်၍ ရသွားသည့်အနေအထားကိုရရှိလာခဲ့သည်။
ဒေါ်စုကြည်သည် ၄င်းနောက်၌အင်းအားရှိအောင် နိုင်ငံရေးခံယူချက် ကောင်းသူရော မကောင်းသူများကိုပါ လက်ခံစည်းရုံးထားလာသည်။ အမာခံ အင်အားအဖြစ် အရေးအခင်းကာလ ဆူပူမှုတွင် လူတွင်ကျယ်လုပ်ခဲ့သူများ ကိုတိုးချဲ့အသုံးပြုလာသည်။ ထိုစဉ်ကNLDဌာနချုပ် တက္ကသိုလ်ရိပ်သာလမ်းခြံတွင် အမျိုးသားဒီမိုကရေစီအဖွဲ့ချုပ်(လူငယ် ) အဖွဲ့နှင့် သုံးရောင်ခြယ်အဖွဲ့ဟူ၍ ၂ဖွဲ့ထားရှိခဲ့သည်။
NLD (လူငယ်) အဖွဲ့က နိုင်ငံရေးလုပ်ရန်ဖြစ်ပြီး သုံးရောင်ခြယ် လူငယ်အဖွဲ့က ဒေါ်စုကြည်၏ လုံခြုံရေးလုပ်ရန် အတွက် ဖြစ်သည်။ လူငယ်တော်တော်များများ ခြံထဲတွင်ပင် ညအိပ်ညနေ နေခဲ့ကြသည်။ ၄င်းလူငယ်များသည် အရေးအခင်းကာလ၌ ပြစ်မှူကျူးလွန် ခဲ့သဖြင့် ဥပဒေအရ အရေးယူခံရမည်ကို စိုးရိမ်ပြီး ခြံရိပ်ခိုသူများ ၊ တောတွင်း သောင်းကျန်သူအဖွဲ့များထံ ရောက်သွားပြီး တရားမ၀င် ပြန်လည်ခိုလှုံလာသူဖြစ်ကြောင်း တွေ့ရသည်။ ထိုလူငယ်များအချင်းချင်း နေရာလုမှူပြဿနာမှအစ လူမှုရေး ဖောက်ပြန်မှူ ပြဿနာများ တက်လာသည်။ နောက်ပိုင်း၌ လူငယ်အဖွဲ့ကို ပါတီထဲ ဆက်ထားပြီး သုံးရောင်ခြယ်အဖွဲ့ကို ပါတီမှ လက်တွဲဖြုတ်ခဲ့သည်။
သုံးရောင်ခြယ် အဖွဲ့ကို လက်တွဲဖြုတ်ခဲ့သည့် အကြောင်းအရင်းအမှန်မှာ ၄င်းအဖွဲ့က မြေအောက်လှုပ်ရှားမှုများ လုပ်ရင်းအချို့ အဖမ်းခံရသဖြင့် ပါတီနှင့် လာပတ်သတ်မှာ စိုး၍ဖြစ်သည်။ သုံးရောင်ခြယ်အဖွဲ့ခြံထဲမှာ မရှိတော့သော်လည်း အမှန်တစ်ကယ် အဆက်အသွယ်မပြတ်ခဲ့ပေ။ ခြံထဲသို့ အမြဲဝင်ထွက်သွားလာခဲ့ကြသည် သာဖြစ်သည်။
ယင်းဖြစ်ရပ်၏ နောက်ကွယ်မှ ဖြစ်စဉ်အရ တရားဝင်နိုင်ငံရေးလုပ်ရန် NLD (လူငယ်)အဖွဲ့ကို ထားရှိပြီး တရားမ၀င် လှုပ်ရှားမှုလုပ်ရာတွင် ပါတီနှင့် မပတ်သက်သည့် သဘော ရောက်အောင် သုံးရောင်ခြယ်အဖွဲ့ကို မွေးထားခဲ့ခြင်းဖြစ်ကြောင်း တွေ့ရှိရသည်။ NLDသည် တပ်မတော်အစိုးရအား ရည်ရွယ်ချက်ရှိရှိဖြင့် ဆန့်ကျင်တိုက်ခိုက်ရန် အတွက်တရားဝင် နိုင်ငံရေး လုပ်မည့် လမ်းကြောင်းနှင့် တရားမ၀င်နိုင်ငံရေးလှုပ်ရှားမည့် လမ်းကြောင်းကို ချမှတ် ဆောင်ရွက်ခဲ့ခြင်းသာ ဖြစ်သည်။
ထိုလမ်းကြောင်းသည် ဒေါ်စုကြည်၏ အုပ်စုတွင်ပါဝင်သည့် ကွန်မြူနစ် ဟောင်းများနှင့် ကွန်မြူနစ် လိုလားသူများ ၏ နိုင်ငံရေးလမ်းကြောင်းပင်ဖြစ်သည်။ တိုက်ကွက် ခင်းကျင်းပုံကို ကြည့်ပါက ဗ က ပ ၏ နည်းလမ်းနှစ်သွယ် ဖြစ်သည့် မြေပေါ်မှ လက်နက်စွဲကိုင် တိုက်ပွဲဝင်ခြင်းနှင့် မြေအောက်မှ တရားမ၀င်နိုင်ငံရေး နည်းလမ်းဖြင့် တိုက်ပွဲဝင်ခြင်းဟူသည့် နည်းဗျူဟာအတိုင်း ဖြစ်နေသည်ကို တွေ့ရှိနိုင်ပေသည်။ ဦးအောင်ကြီးစွပ်စွဲခဲ့သည့် အတိုင်း NLDဗဟိုကို ဗ က ပ အနွယ်များ ၀င်စီးထားသည် ဆိုသည်မှာ အမှန်ပင်ဖြစ်ပါပေ၏။

NLD ပါတီ၏ အမှားတော်ပုံများ (၃)

တပ်မတော်အစိုးရသ်ည ၁၉-၉-၈၈ ရက်နေ့တွင် ပါတီစုံဒီမိုကရေစီ အထွေထွေ ရွေးကောက်ပွဲကော်မရှင် ဥက္ကဋ္ဌနှင့် အဖွဲ့ဝင်များအား လွတ်လပ်၍ တရားမျှတသော ရွေးကောက်ပွဲ ကျင်းပပေးရန် မေတ္တာရပ်ခံခဲ့သည်။ ၂၇-၉-၈၈ ရက်နေ့၌ နိုင်ငံရေးပါတီအား မှတ်ပုံတင်ခြင်း ဥပဒေကို ပြဋ္ဌာန်း ကြေညာခဲ့သည် ။

၃-၁၀-၈၈ ရက်နေ့တွင် ဒီမိုကရေစီပါတီကို မှတ်ပုံတင်ခွင့်ပြုကြောင်း စတင် ကြေညာသည် ။ ထိုနေ့မှာပင် အမျိုးသား ဒီမိုကရေစီအဖွဲ့ချုပ် (NLD)ကို မှတ်ပုံတင် ခွင့်ပြုကြောင်း ဆက်လက်ကြေညာသည်။ နိုင်ငံရေးပါတီ ၂၃၅ ပါတီအထိ မှတ်ပုံတင် ခွင့်ပြု ခဲ့သည်။

NLD ကို ၃၀-၉-၈၈ ရက်နေ့မှစပြီး မှတ်ပုံတင်ခွင့်ပြုခဲ့ခြင်း ဖြစ်သည်။ ထိုစဉ်က NLD ဌာနချုပ် လိပ်စာမှာ အမှတ်(၄၄)၊ တက္ကသိုလ်ရပ်သာလမ်း၊ ရန်ကုန် ဖြစ်သည် ။NLDကို ဒီချုပ်ဟူ၍လည်းကောင်း၊ အောင်-စု-တင် ဟူ၍ လည်းကောင်း၊ လူသိများခဲ့သည် ။ မှတ်ပုံတင် စဉ်က NLD ၏ ဗဟိုအလုပ်အမှုဆောင် ကော်မတီဝင်များမှာ -

(၁) ဦးအောင်ကြီး ဥက္ကဋ္ဌ

(၂) ဦးတင်ဦး ဒုဥက္ကဋ္ဌ

(၃) ဒေါ်အောင်ဆန်းစုကြည် အထွေထွေအတွင်းရေးမှူး

(၄) ဦးကြည်ဟန် အတွင်းရေးမှူး(အဖွဲ့ဝင်)

(၅) ဦးချစ်ခိုင် အတွင်းရေးမှူး(အဖွဲ့ဝင်)

(၆) ဦးဝင်တင် အတွင်းရေးမှူး(အဖွဲ့ဝင်)

(၇) ဒေါ်မြင့်မြင့်ခင် စည်းရုံးရေးဌာနမှူး

(၈) ဦးလွင် ဘဏ္ဍာရေးမှူး

(၉) ဦးအောင်လွင် ပြန်ကြားရေးဌာနမှူး

(၁၀) ဦးအောင်ရွှေ စည်းရုံးရေးဌာနမှူး

(၁၁) ဦးကြည်မောင်` သုတေသနဌာနမှူးနှင့်

(၁၂) ဦးဘရွှေ အုပ်ချုပ်ရေးဌာနမှူး တို့ ဖြစ်ကြသည်။

NLD သည် အရေးအခင်းကာလတွင် လူရှေ့ထွက် ဟုန်ရေးပြခဲ့သော ဦးအောင်ကြီး၊ ဦးတင်ဦးနှင့် ဒေါ်စုကြည်တို့ အုပ်စုသုံးခု စုပေါင်းဖွဲ့ခဲ့သော ပါတီဖြစ်သည်။ ဦးအောင်ကြီးသည် ၀ါရင့် ဒုကာကွယ်ရေးဦးစီးချုပ်ဟောင်းဖြစ်ပြီး သခင်အောင်ကြီး(ပေါင်း တည်) အမည်ဖြင့် နိုင်ငံရေးလုပ်ခဲ့ဖူးသူ ဆိုရှယ်လစ်ပါတီလည်း ဖြစ်သည်။ အရေးအခင်း ဖြစ်လုကလေး၌ စာတို စာရှည်များ ပလူပျံအောင် ရေးပြီး ပေါ်ပြူလာဖြစ်အောင် လုပ်ခဲ့သူ ဖြစ်၍ NLD ၏ ဦးစီးဦးကိုင်အဖြစ် ကိုယ့်ကိုကိုယ် သဘောထားခဲ့သည်။ NLD ၌ ဦးအောင်ကြီးနှင့် ၄င်း လူ ၁၃ဦး၊ စုစုပေါင်း ၁၄ဦး ပါဝင်ခဲ့သည် ။

ဦးတင်ဦးကလည်း ကာကွယ်ရေးဦးစီးချုပ်ဟောင်း ဖြစ်ပြီး ၊ ၄င်းနောက်၌ မျိုးချစ် ရဲဘော်ဟောင်းများအဖွဲ့ ရှိနေ၍ ကိုယ့်ကိုကိုယ် ထိုးထွက်ခဲ့သူ ဖြစ်သည်။ ဦးတင်ဦးအုပ်စုတွင် အခြားမျိုးချစ်ရဲဘော်ဟောင်းအဖွဲ့ဝင် ၁၃ဦးပါဝင်သည်။ ဒေါ်စုကြည်ကလည်း ၄င်းသည် ဗိုလ်ချုပ်အောင်ဆန်း၏သမီး၊ အောက်စဖို့ဒ်တက္ကသိုလ်ထွက်၊ နိုင်ငံခြားမှ လိုလားထောက်ခံသူ၊ ရွှေတိဂုံ၊ အနောက်ဘက်မုဒ် လူထုအစည်းအဝေးတွင် ဟောပြောစဉ် တက်ရောက်သော ပရိသတ်မှာ ဦးအောင်ကြီး၊ ဦးတင်ဦးတို့အဖွဲ့ထက် ပိုများသည်။ ထို့ကြောင့် မိမိသာလျှင် NLD၌ ပဓါနအကျဆုံးဟု ယူဆခဲ့သည်။

NLD ပါတီ၏ အမှားတော်ပုံများ (၂)

၁၉၈၈ ခုနှစ်၊ အရေးအခင်းကာလတွင် ဗမာပြည်ကွန်မြူနစ်ပါတီ (ဗကပ)ကလည်း သူ့အကြံနှင့်သူ ဖြစ်သည်။ လောလောဆယ် ကြားဖြတ်အစိုးရ အာဏာခွဲတမ်းဝင်ယူမည်၊ နောက်မှ လက်ယာအုပ်စုကို ကန်ထုတ်မည်။ လက်ယာဝါဒီများကလည်း ချဉ်ချဉ်တူးတူး မူးပြီးရော သဘောထားခဲ့ကြသည်။ ဗကပ အပါအ၀င် လက်ဝဲ၀ါဒီများကို မချစ်သော်လည်း အောင့်ကာနမ်ခဲ့သည်။ နောင်ကျမှ ပြည်ပဆရာကြီးများ အကူအညီဖြင့် လက်ဝဲများ၊ လက်စတုံး ချေမှုန်းပစ်မည်။ အကယ်၍သာ မဆလအစိုးရက ၄င်းအုပ်စုလက်ထဲသို့ ကြားဖြတ် အစိုးရအာဏာထိုးအပ်မိခဲ့လျှင် ရက်ပိုင်းအတွင်းမှာပင် အုပ်စုများကွဲပြီး အချင်းချင်း အာဏာ လုကြမည်။ လက်ယာအုပ်စုကလည်း ၀ှက်ဖဲကိုင်ထားသည်။ ၄င်းတို့အတွက် ပြည်ပမှ နယ်ချဲ့လက်သစ် တပ်များက ကျူးကျော်ဝင်ရောက်ပေးမည်။ ယင်းသို့သာ ဖြစ်ခဲ့ပါက မြန်မာ နိုင်ငံသည် ဘော့စနီးယာနိုင်ငံထက် (၂)နှစ်၊ (၃)နှစ်စောပြီး သွေးချောင်းစီးမည့် အနေအထား ဖြစ်သည်။ တပ်မတော်က အချိန်မီ လက်မတင်ကလေး ကာကွယ်စောင့်ရှောက်နိုင်ခဲ့၍သာ နိုင်ငံနှင့်လူမျိုး ကိုယ်ကျိုးမနည်းခဲ့ရခြင်း ဖြစ်ပေသည်။

အရေးအခင်းကာလတွင် ဒေါ်စုကြည်သည် ပါတီမထောင်၊ နိုင်ငံရေးမလုပ်၊ သားနှစ်ယောက်ပညာရေးအတွက် အင်္ဂလန်ပြန်မည်ဟု ပြောခဲ့သည်။ ဦးတင်ဦးကလည်း ပါတီင်္မထောင်ဟုပင် ၂၇-၈-၈၈ ရက်နေ့၌ ပြောခဲ့သည်။ သို့သော် နောက်တစ်ရက်မှာ ၂၈-၈-၈၈ နေ့ နံနက်(၁၀)နာရီတွင် ဦးနုက ၄င်းဖွဲ့သည့် ဒီမိုကရေစီနှင့် ငြိမ်းချမ်းရေးအဖွဲ့တွင် အထွေထွေအတွင်းရေးမှူး နေရာပေးလိုက်သည်နှင့် အပြေးအလွှား လက်ခံခဲ့သည် ။

အမေရိကန်ကွန်ဂရက်လွှတ်တော် အာရှနှင့် ပစိဖိတ်ရေးရာကော်မတီ ဥက္ကဋ္ဌ စတီဗင်ဂျေဆိုလာဇ် မြှောက်ထိုးပင့်ကော် လုပ်သွားသည့်အတိုင်း ဦးနုက သူများထက် ဦးအောင် ၉-၉-၈၈ ရက်နေ့၌ စစ်ကြိုအစိုးရဟူ၍ ဖွဲ့သည်။ ထိုအဖွဲ့တွင် ပထစဟောင်းများ အပြင်၊ သခင်ချစ်မောင်က လယ်ယာသစ်တောဝန်ကြီး၊ ဦးတင်ဦးက ကာကွယ်ရေးဝန်ကြီး၊ ဦးအောင်ရွှေက ပြည်ထဲရေးဝန်ကြီးအဖြစ် ရာထူးများ ယူခဲ့ကြသေးသည်။ မကြာခင် ဟန်ပုံ မပေါ်တော့မှ နှုတ်ထွက်ခဲ့ကြခြင်း ဖြစ်သည်။

NLD ကို အုပ်စုသုံးစုဖြင့် တည်ထောင်ခဲ့သည်။ ဦးအောင်ကြည်အုပ်စု၊ ဦတင်ဦး အုပ်စုတို့တွင် တပ်မတော်အရာရှိဟောင်း အများဆုံးပါသည်။ တပ်ပြုတ် ၊ မဆလပြုတ်၊ ဌာနဆိုင်ရာအပြုတ်အများဆုံးဖြစ်သည်။ ဒေါ်စုကြည်အုပ်စုတွင် ထိုစဉ်က ၄င်းကို မြှောက်ပင့် ကပ်ဖားနေသော လက်ဝဲသမားများ အများဆုံးပါသည်။ မြန်မာနိုင်ငံသို့ သူစိမ်းပမာ ပြန်ရော လာစဖြစ်၍ ဒေါ်စုကြည်က တတ်သိဆိုသူ လက်ဝဲသမားများကို ဘုမသိ ဘမသိနှင့် လက်ခံ ခဲ့ခြင်းဖြစ်သည်။တတ်သိပညာများအုပ်စုတွင် သတင်းစာဆရာ၊စာရေးဆရာ၊ ရှေ့နေ၊ ကျူရှင်ဆရာ နှင့် အစိုးရ၀န်ထမ်းဟောင်းများ ပါသည်။ ထို့ပြင် NLDထဲ၌ လက်ဝဲလက်ယာ မြေပေါ်ပါတီတို့မှ ပါတီဝင်ဟောင်းများ၊ တောပြန်လက်နက်ချ အလင်းဝင် ဗကပ လူငယ်များ၊ အလံနီထွက်များ၊ ပြည်ပြေးဟောင်းများ ဟူသည့် နိုင်ငံရေးသမားများလည်း ပါနေပေသည်။

ယင်းသို့ များပြားသော ၊ မတူညီသော အုပ်စုခွဲငယ်များသည် NLD ပါတီ၌ ပါဝင်နေသော်လည်း သီခြားရပ်တည်ချက်၊ သီးခြားအမြင်များဖြင့် ယာယီမဟာမိတ် ဖွဲ့ထားခြင်း ဖြစ်သည် ။

NLD ပါတီ၏ အမှားတော်ပုံများ(၁)

ယနေ့မြန်မာနိုင်ငံ၌ တရားဝင်တည်ရှိနေသည်ဆိုသည့် NLDပါတီသည် စကတည်းက ယဉ်သကို ဖြစ်ခဲ့သည်။ ၁၉၈၈ အရေးအခင်းကာလတွင် အမေရိကန်အထက် လွှ့တ်တော်အမတ် စတီဗင် ဂျေဆိုလာ ဆိုသူသည် စက်တင်ဘာလ(၄)ရက်နေ့၌ ရန်ကုန်သို့ ရောက်လာသည်။ ၄င်းက အရေးအခင်း အခြေအနေအရ ကြားဖြတ်အစိုးရ ဖွဲ့စည်းသင့်သည်ဟု ဦးနု၊ ဦးအောင်ကြီး၊ ဦးတင်ဦး၊ ဒေါ်စုကြည်တို့နှင့် တွေ့ဆုံစဉ် လမ်းကြောင်းပေးသွားသည် ။

ဦးနုက စက်တင်ဘာလ ၉ရက်နေ့၌ အစိုးရဖွဲ့ကြောင်း ကြေငြာသည်။ ဦးအောင်ကြီး၊ ဒေါ်စုကြည်နှင့် ဦးတင်ဦးတို့ကလည်း သုံးယောက်ပေါင်းပြီး အောင်-စု-တင် ကြားဖြတ်အစိုးရဖွဲ့စည်းရေးဟူ၍ လှုပ်ရှားခဲ့ကြသည်။ တိုင်းပြည်အတွက် အလွန်အန္တရာယ် ကြီးသော လုပ်ရပ်များပင် ဖြစ်သည်။

ထိုအချိန်တွင် ဗကပက မန္တလေးအထိ သိမ်းမည်ဟူသည့် စစ်ရေးရည်မှန်းချက် ဖြင့် မိုင်းယန်း တိုက်ပွဲကို ဖန်တီးနေသည်။ KNU ကလည်း မြန်မာပြည်အောက်ပိုင်းကို သိမ်းမည် ဟူသော မျှော်မှန်းချက်ဖြင့် မဲသဝေါတိုက်ပွဲဆင်နွှဲလာသည်။ ရန်ကုန်မြို့၌ တပ်မတော်တပ်စု တစ်စုကို ၀ိုင်းစီးပြီး လက်နက်သိမ်းယူသည့်ဖြစ်စဉ် ပေါ်ပေါက်လာသည်။ ကြားဖြတ်အစိုးရ ဖွဲ့မပေးပါက လေတပ်မှ ဗုံးကြဲမည်၊ ရေတပ်မှ အမြောက်နှင့် ပစ်မည်ဟူသည့် ခြိမ်းခြောက်မှုများ ကို မဟုတ်မမှန် လုပ်ကြံကြေညာနေကြသည်။ ထိုအချိန်၌ မြန်မာ့ရေပိုင်နက် ကိုကိုးကျွန်း အနီးသို့ အမေရိကန် ရေတပ်သင်္ဘော အုပ်စု ရောက်ရှိနေသည်။ ကမ်းတက်ရန် စစ်ရေးလေ့ကျင့် လျက်ရှိသည် ။

လမ်းစဉ်ပါတီ အစိုးရက ကြားဖြတ်အစိုးရ မပေးလည်း ရန်ကုန်တက္ကသိုလ်ကို အခြေခံ၍ ၄င်းတို့အစီအစဉ်ဖြင့် အောင်-စု-တင် ကြားဖြတ် အစိုးရဖွဲ့ရန် ပြင်ဆင်မှုများ လုပ်ပြီး နေပြီ ဖြစ်သည်။ ယင်းသို့ တိုင်းပြည်ဖရိုဖရဲဖြင့် ပြိုကွဲပျက်စီးရန် လက်မတင်အခြေအနေတွင် တပ်မတော်က နိုင်ငံတော် တာဝန်အရပ်ရပ်ကို ထိန်းသိမ်းရယူခဲ့ရသည်။

တပ်မတော်အစိုးရ ပေါ်ပေါက်လာသည်။ ပါတီစုံ ဒီမိုကရေစီစနစ်ကျင့်သုံးရန် အတွက် နိုင်ငံရေးပါတီများ ဖွဲ့ခွင့်ပြုခဲ့သည်။ ကြားဖြတ်အစိုးရ ဖွဲ့ခွင့်မရသည့် အောင်-စု-တင် သုံးယောက်တွဲက အမျိုးသားဒီမိုကရေစီအဖွဲ့ချုပ် (NLD) ဟူ၍ ပါတီထောင်ခဲ့ကြသည် ။ NLD ပါတီကို ၂၇-၁၀-၁၉၈၈ ရက်နေ့၌ စဖွဲ့သည် ။ ပါတီ ဖွဲ့စည်းစမှာပင် ဦးအောင်ကြီးက ဥက္ကဋ္ဌ လုပ်မည်၊ ဒေါ်စုကြည်က ဥက္ကဋ္ဌလုပ်မည်ဆိုပြီး နေရာလုခဲ့ကြသည်။ အမြင်မတော်သူများက ဖျန့်ဖြေသဖြင့် ဦးအောင်ကြီးက ဥက္ကဋ္ဌ၊ ဦတင်ဦးက ဒုဥက္ကဋ္ဌ၊ ဒေါ်စုကြည်က အထွေထွေ အတွင်းရေးမှူးဟု ခွဲဝေယူခဲ့ကြသည်။ ဤသို့ဖြင့် NLDသည် စလယ်ဝင် ဖင်မမည်းခင်ကပင် ကွဲရန် အက်သံပါလာခဲ့ လေသည်။